2018 September 24 Monday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല.
-ഭഗവത്ഗീത

‘ഓപ്പറേഷന്‍ ബഡ്ഡി ഡൈവ്’: സമ്പൂര്‍ണ്ണ വിജയം കണ്ട് തായ്‌ലാന്റ് രക്ഷാപ്രവര്‍ത്തനം

  • 12 കുട്ടികളെയും കോച്ചിനെയും സുരക്ഷിതമായി പുറത്തെത്തിച്ചു

ചിയാങ് റായ്: കാത്തിരിപ്പും പ്രാര്‍ഥനകളും രക്ഷൗദൗത്യവും വെറുതെയായില്ല. തായ്‌ലാന്റില്‍ ഗുഹയില്‍ കുടുങ്ങിയ 12 കുട്ടികളെയും പരിശീലകനെയും രക്ഷിച്ച് പുറത്തെത്തിച്ചു.

ശരീരത്തിലുള്ള അണുബാധ പൂര്‍ണമായും നീക്കിയ ശേഷമേ നേരത്തെ ആശുപത്രിയിലെത്തിയ കുട്ടികളെ കാണാന്‍ ഇവരുടെ കുടുംബങ്ങളെ അനുവദിക്കുകയുള്ളൂ.

കുട്ടികളോടൊപ്പമുണ്ടായിരുന്ന ഡോക്ടറും മൂന്ന് നേവി ഡൈവര്‍മാരും പുറത്തിറങ്ങിയിട്ടുണ്ട്. ഗുഹാമുഖത്തു നിന്ന് മൂന്ന് ആംബുലന്‍സുകളിലായി ഇവരെയെല്ലാം ചിയാങ് റായിലെ ആശുപത്രിയില്‍ എത്തിച്ചു.


വായിക്കാം, തായ് രക്ഷാപ്രവര്‍ത്തനം. ചിത്രങ്ങളിലൂടെ…


രക്ഷാപ്രവര്‍ത്തനം മൂന്നു ഘട്ടങ്ങളിലൂടെ

മൂന്നു ഘട്ടങ്ങളിലായാണ് കുട്ടികളെ രക്ഷിക്കാന്‍ പദ്ധതിയൊരുക്കിയത്. ഓരോ പ്രാവശ്യവും നാലു വീതവും അവസാനം കോച്ചിനെയും പുറത്തുകൊണ്ടുവന്നു. ഒരു കുട്ടിയുടെ മുന്‍പിലും പിറകിലുമായി ഓക്‌സിജന്‍ ടാങ്ക് അടക്കം രണ്ട് ഡൈവര്‍മാര്‍ സഞ്ചരിച്ചാണ് രക്ഷാപ്രവര്‍ത്തനം നടത്തിയത്.

ജൂലൈ എട്ട്, ഡി ഡേ

സര്‍വ്വ സന്നദ്ധമായി ജൂലൈ എട്ടിനാണ് രക്ഷാപ്രവര്‍ത്തനം തുടങ്ങിയത്. 90 വിദഗ്ധ ഡൈവര്‍മാര്‍. അവര്‍ക്കു വേണ്ട ഉപകരണങ്ങളും പുറത്ത് ആംബുലന്‍സുകളും ഫീല്‍ഡ് ആശുപത്രിയും ഹെലികോപ്റ്ററുകളും. ആദ്യഘട്ടത്തില്‍ നാലു കുട്ടികളെ പുറത്തുകൊണ്ട് രണ്ടാംഘട്ടത്തിനു വേണ്ടി 10 മണിക്കൂര്‍ ഒരുക്കം വേണ്ടിവന്നു. അങ്ങനെ മൂന്നു ദിവസങ്ങളിലായാണ് രക്ഷാപ്രവര്‍ത്തനം പൂര്‍ത്തിയാക്കിയത്.


തായ്: ഈ വിജയത്തില്‍ ആഹ്ലാദിക്കാന്‍ സമാന്‍ ഗുണാന്‍ ഇല്ല


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.