2019 October 13 Sunday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

സാങ്കേതിക തകരാര്‍; അവസാന നിമിഷം ചന്ദ്രയാന്‍ 2 വിക്ഷേപണം മാറ്റി

  • പുതുക്കിയ തിയതി പിന്നീട് അറിയിക്കും

ശ്രീഹരിക്കോട്ട: ചന്ദ്രയാന്‍ 2ന്റെ വിക്ഷേപണം മാറ്റി. ഇന്ത്യയുടെ ചാന്ദ്രദൗത്യമായ ചന്ദ്രയാന്‍ 2 സാങ്കേതിക തകരാര്‍ മൂലം അവസാനനിമിഷം മാറ്റിവയ്ക്കുകയായിരുന്നു. വിക്ഷേപിക്കാനുപയോഗിക്കുന്ന ലോഞ്ച് വെഹിക്കിളായ ജി.എസ്.എല്‍.വി മാക്ക് 3/എം1 റോക്കറ്റിലുണ്ടായ സാങ്കേതിക തകരാറാണ് വിക്ഷേപണം മാറ്റിവയ്ക്കാന്‍ കാരണമായതെന്ന് ഐ.എസ്.ആര്‍.ഒ അറിയിച്ചു. പുതുക്കിയ തിയതി പിന്നീട് അറിയിക്കുമെന്നും ഐ.എസ്.ആര്‍.ഒ വക്താവ് ഗുരുപ്രസാദ് വാര്‍ത്താ സമ്മേളനത്തില്‍ അറിയിച്ചു. എന്നാല്‍, സാങ്കേതിക തകരാര്‍ എന്താണെന്ന് ഐ.എസ്.ആര്‍.ഒ വ്യക്തമാക്കിയില്ല.

 

ഇന്ന് പുലര്‍ച്ചെ 2.51നായിരുന്നു ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍ നിന്ന് ചന്ദ്രയാന്‍ 2 വിക്ഷേപണം നിശ്ചയിച്ചിരുന്നത്. എന്നാല്‍, വിക്ഷേപണത്തിന് 56 മിനുറ്റും 24 സെക്കന്‍ഡും ബാക്കി നില്‍ക്കെ കൗണ്ട് ഡൗണ്‍ നിര്‍ത്തിവയ്ക്കുകയായിരുന്നു. അതീവ മുന്‍കരുതലിന്റെ ഭാഗമായാണ് വിക്ഷേപണം മാറ്റിവച്ചത്. രാഷ്ട്രപതിയടക്കം പ്രമുഖര്‍ വിക്ഷേപണം കാണാനെത്തിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News