2019 August 19 Monday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

സിറിയയിലെ സുരക്ഷാ മേഖലാ നിര്‍ണയം പൂര്‍ത്തിയായി

സുരക്ഷാ മേഖലാ നിര്‍ണയത്തിനായി റഷ്യ, തുര്‍ക്കി, ഇറാന്‍ എന്നീ രാജ്യങ്ങള്‍ ഒപ്പുവച്ച കരാര്‍ ഇന്ന് നിലവില്‍ വന്നു

ദമസ്‌കസ്: സിറിയയില്‍ സാധാരണക്കാര്‍ കൂടുതല്‍ താമസിക്കുന്ന സ്ഥലങ്ങളില്‍ ആക്രമണം കുറയ്ക്കുന്നിനു വേണ്ടി ഉണ്ടാക്കിയ കരാര്‍ ഇന്നു മുതല്‍ പ്രാബല്യത്തില്‍ വന്നു.

കസാഖിസ്താന്‍ തലസ്ഥാനമായ അസ്താനയില്‍ വ്യാഴാഴ്ചയാണ് കരാര്‍ ഉണ്ടാക്കിയത്. സിറിയന്‍ സര്‍ക്കാരിന്റെ പിന്തുണയ്ക്കുന്ന റഷ്യയും ഇറാനും പ്രതിപക്ഷത്തെ പിന്തുണയ്ക്കുന്ന തുര്‍ക്കിയും തമ്മിലാണ് കരാര്‍ ഒപ്പുവച്ചത്.

സിറിയന്‍ യുദ്ധം അവസാനിപ്പിക്കുകയെന്ന ലക്ഷ്യത്തോടെയാണ് ‘ആക്രമണം കുറയ്‌ക്കേണ്ട മേഖല’ നിര്‍ണയിച്ചത്. പ്രധാനമായും പ്രതിപക്ഷ അധീന മേഖലയാണ് സുരക്ഷാ മേഖലയായി നിര്‍ണയിക്കപ്പെട്ടതില്‍ കൂടുതലും.

നാലു സോണുകളായാണ് സുരക്ഷാ മേഖലകളില്‍ ഉള്‍പ്പെടുത്തിയിരിക്കുന്നത്.

സോണ്‍ 1: ഇദ്‌ലിബ്, ലതാകിയ പ്രവിശ്യകളുടെ വടക്കന്‍ പ്രദേശങ്ങള്‍, അലെപ്പോയുടെ പടിഞ്ഞാറന്‍ പ്രദേശം, ഹമാ പ്രവിശ്യയുടെ വടക്കന്‍ പ്രദേശം. ഈയിടെ ഏറ്റവും കൂടുതല്‍ മനുഷ്യക്കുരുതി നടന്ന മേഖലയാണിത്. ഇപ്പോള്‍ പത്തുലക്ഷം സാധാരണക്കാര്‍ ഇവിടെയുണ്ട്.

സോണ്‍ 2: വടക്കന്‍ ഹൊംസ് പ്രവിശ്യയിലെ രസ്തന്‍ താല്‍ബിസെ പ്രദേശം. ഇവിടെ 1.8 ലക്ഷം സാധാരണക്കാരുണ്ട്.

സോണ്‍ 3: ദമസ്‌കസിന്റെ വടക്കന്‍ പ്രദേശമായ കിഴക്കന്‍ ഗൗത. വിമതരായ ജയ്ഷല്‍ ഇസ്‌ലാമിന്റെ പ്രബല മേഖല. 6.9 ലക്ഷം സാധാരണക്കാരുണ്ട്.

സോണ്‍ 4: ജോര്‍ദാനുമായി അതിര്‍ത്തി പങ്കിടുന്ന വിമത മേഖലയായ ദിറാ, ഖുനൈത്ര പ്രവിശ്യകള്‍. എട്ടു ലക്ഷം സാധാരണക്കാര്‍ ഇവിടെ ജീവിക്കുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.