2019 June 17 Monday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

വേനല്‍മഴ കനിഞ്ഞു; ലഭിച്ചത് 35 ശതമാനം അധികം

തിരുവനന്തപുരം: വേനല്‍മഴ കേരളത്തെ കനിഞ്ഞനുഗ്രഹിച്ചപ്പോള്‍ ലഭിച്ചത് പ്രതീക്ഷിച്ചതിനെക്കാള്‍ 35 ശതമാനം അധിക മഴ. ഇതിലൂടെ വൈദ്യുതി ഉപഭോഗം കുറയ്ക്കാന്‍ കഴിഞ്ഞു എന്നു മാത്രമല്ല, കുടിവെള്ളക്ഷാമം ഒരു പ്രശ്‌നമല്ലാതെ ഈ വേനല്‍ക്കാലം കടന്നുപോകുകയും ചെയ്തു.
രൂക്ഷമായ വേനല്‍ക്കാലം കണക്കുകൂട്ടി കൃത്രിമ മഴ പെയ്യിക്കുന്നത് ഉള്‍പ്പെടെയുള്ള കാര്യങ്ങളെക്കുറിച്ച് സംസ്ഥാന സര്‍ക്കാര്‍ ആലോചിച്ചിരുന്നതാണ്.
എന്നാല്‍ പ്രതീക്ഷിച്ച 233.6 മില്ലീമീറ്റര്‍ മഴയുടെ സ്ഥാനത്ത് കേരളത്തിന് 315.6 മില്ലീമീറ്റര്‍ മഴ ലഭിച്ചു. ഈ വേനല്‍ക്കാലത്ത് സംസ്ഥാനത്തെ ചൂട് ഒരു ജില്ലയിലും 34 ഡിഗ്രിയില്‍ കൂടുതല്‍ പോയില്ല എന്നതും ശ്രദ്ധേയമാണ്.
മാര്‍ച്ച് ഒന്നു മുതല്‍ ഈ മാസം 16 വരെയുള്ള കണക്കനുസരിച്ച് സംസ്ഥാനത്ത് ഏറ്റവും കൂടുതല്‍ മഴ ലഭിച്ചത് കാസര്‍കോടും (88 ശതമാനം) കോഴിക്കോടുമാണ് (78). ലക്ഷദ്വീപില്‍ ഇത്തവണ 150 ശതമാനം അധിക മഴ ലഭിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.