2018 August 20 Monday
നിങ്ങളെല്ലാം ആദമില്‍ നിന്നാണ്; ആദം മണ്ണില്‍ നിന്നും.
മുഹമ്മദ് നബി (സ)

ഇനി വ്രതവിശുദ്ധിയുടെ പുണ്യനാളുകള്‍

കോഴിക്കോട്: വ്രതവിശുദ്ധിയുടെയും ആത്മസംസ്‌കരണത്തിന്റെയും പുണ്യനാളുകള്‍ക്ക് തുടക്കം. പാപമോചനത്തിന് സുവര്‍ണാവസരമേകുന്ന റമദാനിലെ രാപകലുകള്‍ വിശ്വാസികള്‍ പ്രാര്‍ഥനയില്‍ മുഴുകും. സല്‍കര്‍മങ്ങള്‍ക്ക് അനേകമിരട്ടി പ്രതിഫലം വാഗ്ദാനം ചെയ്യപ്പെട്ട പെരുമഴക്കാലമാണ് റമദാന്‍.
മാസപ്പിറവി ദര്‍ശിക്കാത്തതിനാല്‍ ശഅ്ബാന്‍ 30 പൂര്‍ത്തിയാക്കിയാണ് ഇത്തവണ റമദാന്‍ സമാഗതമായത്. പകല്‍ മുഴുവന്‍ ഉപവാസവും രാത്രി ഉപസാനയുമായാണ് വിശ്വാസികള്‍ അനുഗൃഹീത മാസത്തെ ധന്യമാക്കുക. ഖുര്‍ആന്‍ അവതരിച്ച മാസത്തില്‍ പ്രത്യേക പുണ്യം കാംക്ഷിച്ച് ഖുര്‍ആന്‍ പാരായണത്തിന് കൂടുതല്‍ സമയം കണ്ടെത്തും.
മനസിനെയും ശരീരത്തെയും ശുദ്ധീകരിക്കാന്‍ വിശ്വാസി സമൂഹം ആരാധനകളും ദാനധര്‍മങ്ങളും അധികരിപ്പിക്കും. ആയിരം മാസങ്ങളേക്കള്‍ പുണ്യം ലഭിക്കുന്ന ദിനമായ ലൈലത്തുല്‍ ഖദ്‌റും ഫിത്വ്ര്‍ സകാത്തും റമദാനിന്റെ മഹത്വങ്ങളാണ്.
റമദാനിനെ വരവേല്‍ക്കാന്‍ വിശ്വാസികള്‍ നേരത്തെ തന്നെ തയാറെടുത്തിരുന്നു. വീടുകള്‍ക്കും പള്ളികള്‍ക്കും നിറപ്പകിട്ടേകിയും ശുദ്ധീകരിച്ചുമായിരുന്നു ഒരുക്കം. റമദാനിലെ പ്രത്യേക നിശാ നിസ്‌കാരമായ തറാവീഹ് ഇന്നലെ പള്ളികളില്‍ തുടങ്ങി. റദമാന്‍ പ്രഭാഷണങ്ങളും ഇന്നു മുതല്‍ സജീവമാകും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.