2020 March 30 Monday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

ലോറസ് സ്‌പോര്‍ട്ടിങ് മൊമന്റ് പുരസ്‌കാരം സചിന്

ബെര്‍ലിന്‍: കായിക രംഗത്തെ ഓസ്‌കാര്‍ എന്നറിയപ്പെടുന്ന ലോറിയസ് പുരസ്‌കാരങ്ങള്‍ പ്രഖ്യാപിച്ചു. 2019 ലെ മികച്ച കായിക താരത്തിനുള്ള പുരസ്‌കാരം അര്‍ജന്റീനിയന്‍ ഫുട്‌ബോള്‍ ലയണല്‍ മെസിയും ബ്രിട്ടീഷ് കാറോട്ടക്കാരന്‍ ലൂയി ഹാമില്‍ട്ടണും പങ്കിട്ടു. മികച്ച സ്‌പോര്‍ട്ടിങ് മൊമെന്റിനുള്ള പുരസ്‌കാരം ഇന്ത്യന്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറിനാണ്. ലോറിയസ് പുരസ്‌കാരം നേടുന്ന ആദ്യ ഇന്ത്യന്‍ കായിക താരമാണ് സച്ചിന്‍.

2011 ക്രിക്കറ്റ് ലോകകപ്പ് ഫൈനല്‍ വിജയത്തിനുശേഷം സച്ചിന്‍ തെണ്ടുല്‍ക്കറെ തോളിലേറ്റി ആഹ്ലാദം പങ്കിടുന്ന ഇന്ത്യന്‍ താരങ്ങളുടെ ചിത്രമാണ് പുരസ്‌കാരം നേടിയത്. ഒരു രാജ്യത്തിന്റെ ചുമലിലേറി എന്ന തലക്കെട്ടോടെ അവതരിപ്പിച്ച ചിത്രം ഏറ്റവും കൂടുതല്‍ വോട്ടുകള്‍ നേടി ഒന്നാമതെത്തി. കഴിഞ്ഞ 20 വര്‍ഷത്തിനിടെ കായിക ലോകത്തെ ഏറ്റവും മനോഹരമായ നിമിഷമായി ഇത്.

ബാഴ്‌സലോണ ഫുട്‌ബോള്‍ ക്ലബ്ബിനായി നടത്തിയ പ്രകടനങ്ങളും ബാലന്‍ ഡി ഓര്‍ അവാര്‍ഡ് നേട്ടങ്ങളും കണക്കിലെടുത്താണ് ലയണല്‍ മെസിയെ പുരസ്‌കാരത്തിന് തെരഞ്ഞെടുത്തത്. ആറ് തവണ ഫോര്‍മുല വണ്‍ ജേതാവായതാണ് ലൂയി ഹാമില്‍ട്ടണെ അവാര്‍ഡിന് അര്‍ഹനാക്കിയത്. അമേരിക്കന്‍ ജിംനാസ്റ്റിക്‌സ് താരം സിമോണ്‍ ബൈല്‍സാണ് മികച്ച വനിതാ താരം.

മുന്‍ ജര്‍മന്‍ ബാസ്‌കറ്റ് ബോള്‍ താരം ഡിര്‍ക് നൌസിക്കിക്കാണ് ലൈഫ് ടൈം അച്ചീവ്‌മെന്റ് അവാര്‍ഡ്. ദക്ഷിണാഫ്രിക്കന്‍ റഗ്ബി ടീമിനെ ടീം ഓഫ് ദ ഇയര്‍ ആയും തെരഞ്ഞെടുത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.