2018 June 17 Sunday
എല്ലാ നന്‍മകളുടെയും ഉറവിടം വിനയമാണ്
മുഹമ്മദ് നബി(സ്വ)

ചോരാത്ത വീര്യം; ബോക്‌സിങ്ങില്‍ മേരികോമിന് സ്വര്‍ണം

ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസിന്റെ പതിനൊന്നാം ദിനത്തില്‍ ഇന്ത്യക്ക് സുവര്‍ണ്ണത്തുടക്കം സമ്മാനിച്ച് മേരികോം. വനിതകളുടെ 48 കിലോഗ്രാം ബോക്‌സിങ്ങിലാണ് മേരി കോം സ്വര്‍ണമണിഞ്ഞത്. വടക്കന്‍ അയര്‍ലന്‍ഡിന്റെ ക്രിസ്റ്റീന ഒഹാരയെ പരാജയപ്പെടുത്തിയാണ് മുപ്പത്തിയഞ്ചുകാരിയായ മേരി കോമിന്റെ നേട്ടം. ഇതോടെ ഇന്ത്യയുടെ ആകെ സ്വര്‍ണം 18 ആയി ഉയര്‍ന്നു.

കോമണ്‍വെല്‍ത്ത് ഗെയിംസില്‍ മേരികോമിന്റെ ആദ്യ മെഡല്‍ നേട്ടമാണിത്. 2014ല്‍ ഗ്ലാസ്‌കോയില്‍ വെച്ച് നടന്ന ഗെയിംസിലാണ് വനിതാ വിഭാഗം ബോക്‌സിങ്ങ് ഇനം കോമണ്‍വെല്‍ത്ത് ഗെയിംസില്‍ ആദ്യമായി ഉള്‍പ്പെടുത്തിയത്. എന്നാല്‍ മേരികോമിന് അന്ന് ഗെയിംസിന് യോഗ്യത നേടാന്‍ സാധിച്ചിരുന്നില്ല.

നിലവില്‍ 18 സ്വര്‍ണവും 11 വെള്ളിയും 14 വെങ്കലും സഹിതം 43 മെഡലോടെ ഇന്ത്യ മൂന്നാം സ്ഥാനത്താണ്. 66 സ്വര്‍ണവും 50 വെള്ളിയും 54 വെങ്കലവുമുള്ള ആസ്‌ത്രേലിയയാണ് ഒന്നാം സ്ഥാനത്ത്. 33 സ്വര്‍ണവും 34 വെള്ളിയും 36 വെങ്കലവുമുള്ള ഇംഗ്ലണ്ടാണ് രണ്ടാം സ്ഥാനത്ത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.