2018 April 13 Friday
ഒരാള്‍ മറ്റൊരാളുടെ ന്യൂനത മറച്ചു വച്ചാല്‍ അന്ത്യ നാളില്‍ അല്ലാഹു അവന്റെ ന്യൂനതയും മറച്ചു വയ്ക്കും
മുഹമ്മദ് നബി(സ)

കോമണ്‍വെല്‍ത്ത് ഗെയിംസ്: പൊന്നിലേക്ക് വെടിയുതിര്‍ത്ത് ഇന്ത്യ വീണ്ടും

  • കോമണ്‍വെല്‍ത്തില്‍ ഇന്ത്യയ്ക്ക് 16 സ്വര്‍ണം

ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ത്യയ്ക്കിന്ന് സുവര്‍ണ തുടക്കം. പുരുഷന്‍മാരുടെ 25 മീറ്റര്‍ റാപ്പിഡ് ഫൈര്‍ പിസ്റ്റള്‍ ഇനത്തില്‍ അനീഷ് ഭന്‍വാലയും വനിതകളുടെ 50 മീറ്റര്‍ റൈഫിളില്‍ തേജസ്വിനി സാവന്തും ഇന്ന് സ്വര്‍ണം നേടി. 50 മീറ്റര്‍ റൈഫിളില്‍ വെള്ളിയും ഇന്ത്യയ്ക്ക് തന്നെയാണ്.  അന്‍ജും മൗദ്ഗില്‍ ആണ് വെള്ളി മെഡല്‍ നേടിയത്.

രണ്ട് മലയാളി താരങ്ങളെ ബാഗില്‍ നിന്ന് സിറിഞ്ച് കണ്ടെത്തിയതിനെ തുടര്‍ന്ന് ഗെയിംസി വില്ലേജില്‍ നിന്ന് പുറത്താക്കിയതിന്റെ നാണക്കേടില്‍ നില്‍ക്കുമ്പോഴാണ് ആശ്വാസമായി സ്വര്‍ണമെഡല്‍ നേട്ടത്തിന്റെ വാര്‍ത്തയെത്തുന്നത്.

ഇന്ന് ഇന്ത്യയ്ക്ക് പ്രതിക്ഷയേകുന്ന മത്സരങ്ങളാണ് നടക്കുന്നത്. ബാഡ്മിന്റണില്‍ ഇന്ത്യയുടെ കിഡംബി ശ്രീകാന്ത് സെമി ഫൈനലില്‍ പ്രവേശിച്ചിട്ടുണ്ട്. വനിതകളുടെ ബാഡ്മിന്റണ്‍ ഡബിള്‍സില്‍ അശ്വനി പൊന്നപ്പ, സികി റെഡ്ഡി കൂട്ടുകെട്ടും സെമി ഫൈനലില്‍ പ്രവേശിച്ചിട്ടുണ്ട്. രണ്ടിനത്തിലും ഇന്ത്യയ്ക്ക് മെഡല്‍ പ്രതീക്ഷയുണ്ട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.