2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

മോദിയുടെ ഹെലികോപ്റ്ററില്‍ നിന്ന് ‘ദുരൂഹമായ പെട്ടി’ ഇന്നോവയില്‍ കയറ്റുന്ന ദൃശ്യം വിവാദമാവുന്നു

 

പ്രധാനമന്ത്രി നരേന്ദ്ര മോദിയുടെ ഹെലികോപ്റ്ററില്‍ കൊണ്ടുവന്ന പെട്ടി സമീപത്ത് നിര്‍ത്തിയിട്ടിരുന്ന ഇന്നോവ കാറില്‍ കയറ്റുന്ന ദൃശ്യത്തെച്ചൊലി വിവാദം കനക്കുന്നു. കര്‍ണാടകയിലെ ചിത്രദുര്‍ഗയിലാണ് സംഭവം നടന്നത്

വെള്ളിയാഴ്ച തെരഞ്ഞെടുപ്പ് പ്രചരണത്തിനായി എത്തിയ മോദിയുടെ ഹെലികോപ്റ്ററില്‍ നിന്ന് ഒരു വലിയ പെട്ടി അതിവേഗത്തില്‍ സമീപത്ത് നിര്‍ത്തിയിട്ടിരുന്ന ഇന്നോവ കാറില്‍ കയറ്റുന്നതാണ് ദൃശ്യം. ഉടന്‍ തന്നെ ഇന്നോവെ അതിവേഗത്തില്‍ ഓടിച്ചുപോവുകയും ചെയ്തു.

ഇന്നോവ കാര്‍ മോദിയുടെ വാഹനവ്യൂഹത്തില്‍പ്പെട്ടതല്ല. വാഹനവ്യൂഹത്തിനൊപ്പമായിരുന്നില്ല നിര്‍ത്തിയിട്ടിരുന്നതും. ഒരു സ്വകാര്യ വാഹനമെന്ന പോലെയാണ് കാണുന്നതെന്നതിനാല്‍ ദുരൂഹത ഏറുകയാണെന്ന് സോഷ്യല്‍ മീഡിയയില്‍ പലരും ഇത് ഷെയര്‍ ചെയ്തിട്ടുണ്ട്.

സംഭവത്തില്‍ ദുരൂഹത ചൂണ്ടിക്കാണിച്ച് കര്‍ണാടക കോണ്‍ഗ്രസ് ട്വീറ്റ് ചെയ്തിട്ടുണ്ട്. സംഭവത്തില്‍ തെരഞ്ഞെടുപ്പ് കമ്മിഷന്‍ അന്വേഷണം നടത്തണമെന്ന് ട്വീറ്റിലൂടെ ആവശ്യപ്പെട്ടു.

അതേസമയം, പെട്ടിയില്‍ സുരക്ഷാ ഉദ്യോഗസ്ഥരുടെ സാധനസാമഗ്രികളായിരുന്നുവെന്ന വിശദീകരണവുമായി പൊലിസ് രംഗത്തെത്തി. പ്രധാനമന്ത്രിക്കൊപ്പമുള്ള സുരക്ഷാ സൈനികരുടെ ഉപകരണങ്ങളാണ് പെട്ടിയിലെന്ന് ജില്ലാ പൊലിസ് സൂപ്രണ്ട് ഡോ. കെ. അരുണ്‍ പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News