2020 August 10 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കാസര്‍ഗോഡിന് പ്രത്യേക വികസന പാക്കേജ് പ്രഖ്യാപിക്കണം: ആലിക്കുട്ടി മുസ് ലിയാര്‍

 

കാസര്‍ഗോഡ്: കാസര്‍ഗോഡ് ജില്ലയുടെ സമഗ്ര വികസനം ലക്ഷ്യമാക്കി അടിയന്തിരമായി സര്‍ക്കാര്‍ പ്രത്യേക പദ്ധതി പ്രഖ്യാപിക്കണമെന്ന് സമസ്ത ജനറല്‍ സെക്രട്ടറിയും കാസര്‍ഗോഡ് ഖാസിയുമായ പ്രൊഫ. കെ ആലിക്കുട്ടി മുസ് ലിയാര്‍ ആവശ്യപ്പെട്ടു. ജില്ല രൂപീകരിച്ച് മൂന്ന് പതിറ്റാണ്ട് പിന്നിട്ടെങ്കിലും അടിസ്ഥാന വികസനം പോലും ഇപ്പോഴും സാധ്യമായിട്ടില്ല. ജില്ലയില്‍ പ്രവാസികളുടെ സംഭാവന മാറ്റി വെച്ച് വിലയിരുത്തിയാല്‍ അവിടുത്തെ വികസന മുരടിപ്പ് ബോധ്യമാവും. കോവിഡുമായി ബന്ധപ്പെട്ട പ്രശ്‌നങ്ങള്‍ കൈകാര്യം ചെയ്യുന്നതില്‍ കാസര്‍ഗോഡിന് മറ്റു ജില്ലകളെപ്പോലെ ഉയര്‍ന്ന് പ്രവര്‍ത്തിക്കാന്‍ സാധിക്കാത്തത് അടിസ്ഥാന വികസന രംഗത്തെ പോരായ്മയാണ്. ആരോഗ്യം, വിദ്യാഭ്യാസം, തൊഴില്‍ തുടങ്ങി എല്ലാ തലങ്ങളേയും സ്പര്‍ശിക്കുന്ന പദ്ധതികള്‍ സമയബന്ധിതവും ഫലപ്രദവുമായി നടപ്പിലാക്കുന്നതിലൂടെ മാത്രമേ ഈ പ്രതിസന്ധിയെ മറികടക്കാനാവൂ. ഇക്കാര്യത്തില്‍ ജനപ്രതിനിധികളും സര്‍ക്കാറും അടിയന്തിരമായി ഇടപെടണമെന്ന് അദ്ദേഹം ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.