2019 March 26 Tuesday
നീതി ലഭ്യമാക്കാനുള്ള എളുപ്പമാര്‍ഗം മറ്റുള്ളവര്‍ക്കു നീതി വാങ്ങിക്കൊടുക്കലാണ്. -മഹാത്മജി

ഭക്ഷണം തരുന്ന മെഷീന്‍, എല്‍.സി.ഡി ടി.വി സൗകര്യത്തോടെയുള്ള ഡബിള്‍ഡെക്കര്‍ എ.സി ട്രെയിനുകള്‍ ജൂലൈയില്‍

ന്യൂഡല്‍ഹി: രാത്രികാലങ്ങളില്‍ തിരക്കുള്ള റൂട്ടുകളില്‍ ഡബിള്‍ഡെക്കര്‍ എ.സി ട്രെയിനുകള്‍ ഓടിക്കാനൊരുങ്ങി റെയില്‍വ്വേ. ഡല്‍ഹി-ലക്‌നൗ പോലുള്ള റൂട്ടുകളില്‍ രാത്രികാല ട്രെയിനുകള്‍ ജൂലൈ മുതല്‍ ഓടിത്തുടങ്ങും.

ഉദയ് എക്‌സ്പ്രസ്, ഉല്‍കൃഷ്ട് ഡബിള്‍ ഡെക്കര്‍ എ.സി യാത്രി എന്നീ പേരുകളിട്ടിരിക്കുന്ന ട്രെയിനില്‍ സ്ലീപ്പര്‍ കോച്ചുകളുണ്ടാവില്ല. പകരം സുഖമായി ഇരിക്കാവുന്ന ചെയറുകളായിരിക്കും സജ്ജീകരിക്കുക. ഓരോ കോച്ചിലും 120 സീറ്റുകളുണ്ടാവും. ചൂട് ഭക്ഷണവും പാനീയങ്ങളും തരുന്ന മെഷീനുകളും ട്രെയിനിന്റെ പ്രത്യേകതയാണ്.

മെയില്‍, എക്‌സ്പ്രസ് ട്രെയിനുകളിലെ 3എ.സി ടിക്കറ്റ് ചാര്‍ജ്ജിനേക്കാളും കുറവായിരിക്കും ടിക്കറ്റ് നിരക്ക്. ഓരോ കോച്ചിലും വലിയ എല്‍.സി.ഡി ടി.വിയുണ്ടാവും. അതാത് സീറ്റുകളില്‍ സജ്ജീകരിച്ചിരിക്കുന്ന ബ്ലൂടൂത്ത് ഹെഡ്‌ഫോണിലൂടെ ശബ്ദം കേള്‍ക്കാം. ബയോ ടോയ്‌ലറ്റ്, മോഡേണ്‍ ഇന്റീരിയര്‍, കാല്‍ നീട്ടിയിരിക്കാനുള്ള സ്‌പേസ് എന്നിവയും പുതിയ ട്രെയിനിന്റെ പ്രത്യേകതയാണ്.

ഏതെല്ലാം റൂട്ടിലാണ് ജൂലൈ മുതല്‍ ട്രെയിന്‍ ഓടിത്തുടങ്ങുകയെന്ന് വ്യക്തമായിട്ടില്ല. രാത്രി കാലങ്ങളില്‍ വലിയ തിരക്കുള്ള റൂട്ടുകളായിരിക്കും തെരഞ്ഞെടുക്കുക. മണിക്കൂറില്‍ 110 കിലോ മീറ്റര്‍ ഓടുന്ന ട്രെയിന്‍ 2016-17 ബജറ്റിലാണ് പ്രഖ്യാപിച്ചത്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.