2019 May 22 Wednesday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ദക്ഷിണ ചൈന കടല്‍ തര്‍ക്കം: ട്രിബ്യൂണല്‍ വിധി ഇന്ന്

 

ഹേഗ്: ദക്ഷിണ ചൈന കടല്‍ തര്‍ക്കത്തില്‍ ഐക്യരാഷ്ട്ര സഭയുടെ ട്രിബ്യൂണല്‍ ഇന്ന് വിധി പറയും. ഫിലിപ്പൈന്‍സ് നല്‍കിയ ഹരജിയിലാണ് ട്രിബ്യൂണല്‍ വിധി പറയുന്നത്. അതേസമയം വിധിയെ അംഗീകരിക്കില്ലെന്ന് ചൈന പ്രതികരിച്ചു.

പ്രധാനമായും ഈ മേഖലയിലെ വിഭവങ്ങളില്‍ ലക്ഷ്യം വെച്ചാണ് വിവിധ രാജ്യങ്ങള്‍ അവകാശവാദമുന്നയിക്കുന്നത്. വിധി ആര്‍ക്ക് അനുകൂലമായാലും മേഖലയില്‍ സംഘര്‍ഷങ്ങള്‍ വര്‍ധിക്കാന്‍ അത് കാരണമാകുമെന്ന് റിപ്പോര്‍ട്ടുകള്‍ സൂചിപ്പിക്കുന്നു.

മേഖലയില്‍ ചൈന സൈനികരെ വിന്യസിക്കുന്നതും ചില രാജ്യങ്ങള്‍ അമേരിക്കയുടെ സഹായം തേടുന്നതും പ്രശ്‌നങ്ങള്‍ രൂക്ഷമാകാന്‍ കാരണമാകുന്നുണ്ട്. വിധി അസാധുവാണെന്നാണ് ചൈനീസ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. കോടിക്കണക്കിന് ഡോളര്‍ വ്യപാരം നടക്കുന്ന ദക്ഷിണ ചൈന കടലില്‍ നിലവില്‍ ചൈന പരമാധികാരം ഉറപ്പിച്ചിരിക്കുകയാണ്.

ഫിലിപ്പൈന്‍സിന് പുറമെ തായ്‌വാന്‍, മലേഷ്യ, വിയറ്റ്‌നാം, ബ്രൂണെ എന്നീ രാജ്യങ്ങളും ഈ മേഖലയില്‍ അവകാശം ഉന്നയിക്കുന്നുണ്ട്. കടലിലെ എണ്ണ സമ്പത്തിലും മത്സ്യസമ്പത്തിലും തര്‍ക്കമുണ്ട്. വിധി ഫിലിപ്പൈന്‍സിന് അനുകൂലമാണെന്നാണ് വിലയിരുത്തല്‍.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.