2019 July 16 Tuesday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

ദക്ഷിണ ചൈനാക്കടല്‍: കോടതിവിധി ചൈന അംഗീകരിക്കണമെന്ന് ഫിലിപ്പൈന്‍സ്

മനില: ദക്ഷിണ ചൈനാക്കടലില്‍ ചൈനയുടെ അവകാശവാദം തള്ളിയ യുഎന്‍ ട്രിബ്യൂണല്‍ വിധി അംഗീകരിക്കണമെന്ന് ഫിലിപ്പൈന്‍സ് വിദേശകാര്യ സെക്രട്ടറി പെര്‍ഫെക്‌റ്റൊ യാസായ പ്രസ്താവിച്ചു.

വെള്ളിയാഴ്ച നടക്കുന്ന ഏഷ്യ- യൂറോപ്പ് ഉച്ചക്കോടിയില്‍ ഇക്കാര്യം ഉന്നയിക്കുമെന്നും അദ്ദേഹം പറഞ്ഞു.

ചൈനീസ് പ്രധാനമന്ത്രി ഈ യോഗത്തില്‍ പങ്കെടുക്കുന്നുണ്ട്. യുഎന്‍ ട്രൈബ്യൂണല്‍ വിധി ചൈന തള്ളിക്കളയുകയും മേഖലയില്‍ കൂടുതല്‍ ഇടപെടാനുള്ള ഒരുക്കങ്ങള്‍ ചൈന നടത്തുകയും ചെയ്തിട്ടുണ്ട്.

അമ്പത്തിമൂന്നു രാജ്യങ്ങളുടെ പ്രതിനിധികള്‍ ഉച്ചകോടിയില്‍ പങ്കെടുക്കുന്നുണ്ട്. ഫിലിപ്പൈന്‍സില്‍ പുതിയ സര്‍ക്കാര്‍ ഈയിടെ അധികാരത്തില്‍ വന്നതാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.