2020 May 29 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

സഊദി അറാംകോ ഇന്ത്യയില്‍നിന്ന് 70,000 ടണ്‍ നാഫ്ത വാങ്ങുന്നു

നിസാര്‍ കലയത്ത്

ജിദ്ദ: സഊദി അറാംകോ ഇന്ത്യയില്‍നിന്ന് 70,000 ടണ്‍ നാഫ്ത വാങ്ങുന്നു. കമ്പനിക്കു കീഴിലെ വാണിജ്യ വിഭാഗമായ അറാംകോ ട്രേഡിംഗ് കമ്പനി പൊതുമേഖലാ എണ്ണക്കമ്പനിയായ ഇന്ത്യന്‍ ഓയില്‍ കോര്‍പറേഷനില്‍ നിന്നാണ് നാഫ്ത വാങ്ങുന്നത്. കഴിഞ്ഞ മാസം 14ന് കിഴക്കന്‍ സഊദിയിലെ ബഖീഖ്, ഖുറൈസ് എണ്ണ വ്യവസായ കേന്ദ്രങ്ങള്‍ക്കു നേരെയുണ്ടായ ഹൂതി ആക്രമണങ്ങളുടെ പശ്ചാത്തലത്തില്‍ വിതരണത്തിലെ വിടവ് നികത്തുന്നതിനായാണിത്. എണ്ണയുടെ സാന്ദ്രത കുറച്ച് പൈപ്പ്‌ലൈന്‍ വഴി ഒഴുക്കിവിടാന്‍ സഹായിക്കുന്ന പദാര്‍ഥമാണ് നാഫ്ത.

എണ്ണ വ്യവസായ കേന്ദ്രങ്ങള്‍ക്കു നേരെയുണ്ടായ ആക്രമണങ്ങള്‍ക്കു ശേഷം അറാംകോ യൂറോപ്പില്‍ നിന്ന് 1,20,000 ടണ്ണും ഇന്ത്യയില്‍നിന്ന് 1,30,000 ടണ്ണും നാഫ്ത വാങ്ങിയിട്ടുണ്ട്. ഇന്ത്യന്‍ ഓയില്‍ കോര്‍പറേഷനില്‍ നിന്ന് 70,000 ടണ്‍ വാങ്ങുന്നതിനുള്ള ഇടപാട് കൂടി പൂര്‍ത്തിയാക്കിയതോടെ ഇന്ത്യയില്‍ നിന്ന് അറാംകോ വാങ്ങുന്ന നാഫ്ത 1,30,000 ടണ്‍ ആയി ഉയര്‍ന്നു. 2013 നു ശേഷമുള്ള ഏറ്റവും ഉയര്‍ന്ന നിരക്കിലാണ് ഐ.ഒ.സിയില്‍ നിന്ന് സഊദി ഈ ഉല്‍പ്പന്നം വാങ്ങിയിരിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.