2020 August 05 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

വിഷന്‍ 2030: സഊദി-കൊറിയ സംയുക്ത മന്ത്രിതല സമിതി രൂപീകരിച്ചു

 

റിയാദ്: സഊദി ഭരണകൂടം നടപ്പിലാക്കുന്ന വിഷന്‍ 2030 നു ശക്തിയേകാനായി സഊദി- കൊറിയ സംയുക്ത മന്ത്രിതല സമിതിക്കു രൂപം നല്‍കി. ഇരുരാജ്യങ്ങള്‍ക്കുമിടയില്‍ വ്യാപാര വാണിജ്യ സംരംഭങ്ങളെ പ്രോത്സാഹിപ്പിക്കാന്‍ ലക്ഷ്യമാക്കിയുള്ള സമിതിയുടെ കീഴില്‍ അഞ്ചു ഉപസമിതികളും രൂപീകരിച്ചിട്ടുണ്ട്.

ഊര്‍ജ്ജം, നിര്‍മ്മാണം, ഡിജിറ്റൈസേഷന്‍, ശാസ്ത്രം , ആരോഗ്യം, ചെറുകിട നിക്ഷേപം തുടങ്ങിയ മേഖലകളില്ലാം ഇരു രാജ്യങ്ങളും സംയുക്ത സഹകരണം ഉണ്ടായിരിക്കും. ഉപവകുപ്പുകളെ നിരീക്ഷിക്കാനായി ഉന്നതതല സമിതികളും നിലവില്‍ വരും.

പ്രധാനപ്പെട്ട അഞ്ചു മേഖലകളിലായി നാല്‍പതു പദ്ധതികള്‍ക്ക് ഇരു രാജ്യങ്ങളും തമ്മില്‍ ധാരണയായതായി റിയാദില്‍ കൊറിയന്‍ എംബസി നയതന്ത്ര ഉദ്യോഗസ്ഥനായ യോങ് ജെ കിം പറഞ്ഞു.

കപ്പല്‍ നിര്‍മ്മാണം, കടല്‍ജല ശുദ്ധീകരണം, സോളാര്‍ പ്‌ളാന്റ് , ആണവ പ്‌ളാന്റ് , വാഹനനിര്‍മാണം, സ്മാര്‍ട്ട്‌സിറ്റി ട്രാഫിക്ക് നിയന്ത്രണ സംവിധാനം, സുരക്ഷാ സംവിധാനം തുടങ്ങി വിവിധ മേഖലകളിലാണ് കരാറുകള്‍ ഏര്‍പ്പെട്ടിരിക്കുന്നത്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.