2019 May 22 Wednesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

അമേത്തിയില്‍ രാഹുല്‍ഗാന്ധിയ്‌ക്കെതിരെ മത്സരിക്കാന്‍ കോണ്‍ഗ്രസ് നേതാവിന്റെ മകനും

അമേത്തി: അമേത്തിയില്‍ കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയ്ക്ക് തലവേദന ഇരട്ടിയാക്കി കൊണ്ട് കോണ്‍ഗ്രസ് പ്രാദേശിക നേതാവ് മത്സരത്തിനിറങ്ങുന്നു. 1991, 1999 പാര്‍ലമെന്റ് തെരഞ്ഞെടുപ്പുകളില്‍ രാജീവ് ഗാന്ധിയുടെയും രാഹുല്‍ഗാന്ധിയുടെയും നോമിനേഷന്‍ ഫോമുകളില്‍ നോമിനിയായി ഒപ്പിട്ട കോണ്‍ഗ്രസ് നേതാവ് ഹാജി സുല്‍ത്താന്‍ ഖാന്റെ മകന്‍ ഹാജി ഹാറൂണ്‍ റഷീദാണ് വിമതനായി മത്സരിക്കുന്നത്.

കോണ്‍ഗ്രസ് തങ്ങളെ അവഗണിച്ചെന്നാരോപിച്ചാണ് സ്വതന്ത്ര സ്ഥാനാര്‍ത്ഥിയായി ഹാറൂണ്‍ റഷീദ് മത്സരത്തിനിറങ്ങുന്നത്. അമേത്തിയില്‍ 6.5 ലക്ഷം മുസ്‌ലിം വോട്ടര്‍മാരുണ്ടെന്നും ഇവരെല്ലാം കോണ്‍ഗ്രസിനെതിരായി വോട്ടുചെയ്യുമെന്നും ഹാറൂണ്‍ അവകാശപ്പെടുന്നു.

നിലവില്‍ സ്മൃതി ഇറാനിയാണ് രാഹുലിനെതിരെ മത്സരിക്കുന്ന ബി.ജെ.പി സ്ഥാനാര്‍ഥി. 2004ല്‍ സോണിയാഗാന്ധി രാഹുലിന് ഒഴിഞ്ഞ് കൊടുത്ത അമേഠി മണ്ഡലം 1967ല്‍ രൂപീകൃതമായതിന് ശേഷം രണ്ടുതവണ മാത്രമാണ് കോണ്‍ഗ്രസിനെ കൈവിട്ടുപോയത്.

2014ലെ തെരഞ്ഞെടുപ്പില്‍ അമേത്തിയില്‍നിന്ന് രാഹുല്‍ ഗാന്ധി 1,07,903 വോട്ടിന്റെ ഭൂരിപക്ഷത്തിനാണ് സ്മൃതി ഇറാനിയെ തോല്‍പ്പിച്ചത്. അന്ന് രാഹുല്‍ 408,651 വോട്ടുകളും സ്മൃതി ഇറാനി 300,748 വോട്ടുകളും നേടി. മൂന്നാംസ്ഥാനത്തുള്ള ബി.എസ്.പിയുടെ ധര്‍മ്മേന്ദ്ര പ്രതാപ് സിങ് 57,716 വോട്ടുകളും നാലാം സ്ഥാനത്തുള്ള എ.എ.പിയുടെ ഡോ. കുമാര്‍ വിശ്വാസ് 25,527 വോട്ടുകളും നേടി. ഇത്തവണ ബി.എസ്.പിയും എ.എ.പിയും സ്ഥാനാര്‍ഥികളെ നിര്‍ത്തുന്നില്ല. എന്നാല്‍ കോണ്‍ഗ്രസിനുള്ളിലെ ഈ വിമത നീക്കം രാഹുലിന് തലവേദനയാകുമെന്നാണ് സൂചന.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.