2019 September 18 Wednesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

ധവാന്റെ വിരലിന് പരുക്ക്: ഇന്ത്യന്‍ ടീമില്‍ നിന്ന് പുറത്ത്

 

ഓവല്‍: ഓസ്‌ട്രേലിയക്കെതിരായ ലോകകപ്പ് മത്സരത്തില്‍ പരുക്കേറ്റ ഇന്ത്യന്‍ ക്രിക്കറ്റ് താരം ശിഖര്‍ ധവാന് മൂന്നാഴ്ച വിശ്രമം വേണമെന്ന് ഡോക്ടര്‍മാര്‍. ഇതേത്തുടര്‍ന്ന് താരത്തെ ലോകകപ്പ് ടീമില്‍ നിന്ന് പുറത്താക്കി. വിരലിന് പരുക്കുണ്ടെന്നാണ് ഡോക്ടര്‍മാരുടെ റിപ്പോര്‍ട്ട്.

ഇതോടെ ഈ മാസത്തില്‍ നടക്കുന്ന ന്യൂസിലന്‍ഡ്, പാകിസ്താന്‍, അഫ്ഗാനിസ്ഥാന്‍, വിന്‍ഡീസ്, ഇംഗ്ലണ്ട് എന്നിവര്‍ക്കെതിരെയുള്ള മത്സരങ്ങളില്‍ ശിഖര്‍ ധവാന് കളിക്കാനാവില്ല. ഓസിസിനെതിരായ മത്സരത്തിനിടെ പന്ത് കൊണ്ടാണ് ധവാന് പരുക്കേറ്റത്.

ഇതേ മത്സരത്തില്‍ സെഞ്ചുറിയും മാന്‍ ഓഫ് ദ മാച്ച് പുരസ്‌കാരവും നേടി ധവാന്‍ തിളങ്ങിയിരുന്നു. ഇനിയുള്ള മത്സരങ്ങളില്‍ താരം പുറത്താവുന്നതോടെ കനത്ത തിരിച്ചടിയാണ് ഇന്ത്യയ്ക്കുണ്ടായത്. ധവാന് പകരം റിഷഭ് പന്തിനോ ശ്രേയസ് അയര്‍ക്കോ ടീമില്‍ സ്ഥാനം ലഭിച്ചേക്കും.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.