2020 January 26 Sunday
യുദ്ധഭീതിയോടെ ഗൾഫ് മേഖല; മറ്റൊരു ഗൾഫ് യുദ്ധം താങ്ങാൻ ലോകത്തിനു ശേഷിയുണ്ടാകില്ലെന്ന് യു എൻ

സഊദി പൊതുമാപ്പ്; എക്‌സിറ്റ് കേന്ദ്രങ്ങളില്‍ കൂടുതല്‍ ഇന്ത്യക്കാര്‍

നിസാര്‍ കലയത്ത്

ജിദ്ദ: പൊതുമാപ്പ് ഉപയോഗപ്പെടുത്താന്‍ എക്‌സിറ്റ് കേന്ദ്രങ്ങളില്‍ കൂടുതല്‍ എത്തുന്നത് ഇന്ത്യക്കാര്‍. ഇന്ത്യന്‍ എംബസി ഔട്ട്പാസ് വിതരണം ആരംഭിച്ചതോടെയാണ് സഊദി പാസ്‌പോര്‍ട്ട് വിഭാഗത്തില്‍ സേവനം തേടിയത്തെുന്നവരുടെ എണ്ണം വര്‍ധിച്ചത്. ഔട്ട്പാസ് അപേക്ഷകരുടെ എണ്ണം 7500 കവിഞ്ഞതായി എംബസി അറിയിച്ചു.

എക്‌സിറ്റ് നേടുന്നതിനായി എത്തുന്നവര്‍ക്ക് പാസ്‌പോര്‍ട്ട് സേവന കേന്ദ്രത്തിലും എംബസി വളണ്ടിയര്‍മാരുടെയും ഉദ്യോഗസ്ഥരുടെയും സേവനം ഉറപ്പ് വരുത്തിയിട്ടുണ്ടെന്ന് അധികൃതര്‍ അറിയിച്ചു.

സന്ദര്‍ശകര്‍ക്ക് മികച്ച സേവനമാണ് പാസ്‌പോര്‍ട്ട് അതോറിറ്റി ഒരുക്കിയത്. മുന്‍കൂട്ടി ടോക്കണ്‍ നേടിയവര്‍ക്ക് മുന്‍ണഗനാ ക്രമത്തിലാണ് സേവനം നല്‍കുന്നത്. സന്ദര്‍ശകര്‍ക്ക് ശീതീകരിച്ച ഹാളില്‍ ഇരിപ്പിടമുള്‍പ്പെടെ ഒരുക്കിയിട്ടുണ്ട്. വിരലടയാളം പൂര്‍ത്തീകരിച്ചാണ് വിദേശികള്‍ക്ക് എക്‌സിറ്റ് നല്‍കുന്നത്. യാത്ര രേഖകളുള്ളവര്‍ക്ക് ഇവിടെ നിന്ന് ലഭിക്കുന്ന എക്‌സിറ്റ് വിസാ നമ്പറുമായി വിമാനത്താവളത്തിലത്തെി രാജ്യം വിടാവുന്നതാണ്.

അനധികൃതമായി കഴിയുന്ന നൂറു കണക്കിന് സ്ത്രീകളും എക്‌സിറ്റ് നേടുന്നതിനായി കഴിഞ്ഞ ദിവസം മുതല്‍ എത്തി തുടങ്ങി. പൊതുമാപ്പ് ഒരാഴ്ച്ച പിന്നിട്ടതോടെ രാജ്യം വിട്ടുപോകുന്നവരുടെ എണ്ണവും പ്രതിദിനം വര്‍ധിക്കുകയാണ്.

അതേ സമയം ഇന്ത്യക്കാരായ നിയമ ലംഘകര്‍ക്ക് പൊതുമാപ്പിന്റെ സേവനം ലഭ്യമാകുന്നതിന് സഊദിയിലെ വിവിധ നഗരങ്ങളിലെ ഹെല്‍പ്പ് ഡസ്‌കുകള്‍ സജീവമായി. പല നഗരങ്ങളിലും എംബസി ഉദ്യോഗസ്ഥര്‍ നേരിട്ടെത്തി ഔട്ട്പാസ് അപേക്ഷകള്‍ സ്വീകരിക്കുന്നത്. പൊതുമാപ്പ് ഉപയോഗപ്പെടുത്തുന്നതിനുള്ള മാര്‍ഗനിര്‍ദേശം നല്‍കുന്നതിനും ഔട്ട് പാസ് അപേക്ഷ സ്വീകരിക്കാനും ഇന്ത്യന്‍ എംബസി സംഘത്തിന് പുറമെ
കെ.എം.സി.സി, നവോദയ, ഐ.സി.എഫ്, സോഷ്യല്‍ ഫോറം, ഒ.ഐ.സി.സി തുടങ്ങിയ സന്നദ്ധ സംഘടനകളുടെ പ്രവര്‍ത്തനകരും സഹായത്തിനായി രംഗത്തുണ്ട്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.