2020 August 05 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

സഊദിയില്‍ സ്വകാര്യ മേഖലക്ക് ഉത്തേജക പാക്കേജുമായി ധനമന്ത്രാലയം: 2000 കോടി റിയാല്‍ പ്രഖ്യാപിക്കും

സലാം കൂടരഞ്ഞി

റിയാദ്: രാജ്യത്തെ സ്വകാര്യ മേഖലയുടെ പുരോഗതിക്കുവേണ്ടി ഉത്തേജക പാക്കേജ് പ്രഖ്യാപിക്കുമെന്ന് സഊദി ധനമന്ത്രി മുഹമ്മദ് അല്‍ ജദ്ആന്‍ പറഞ്ഞു. ഏകദേശം രണ്ടായിരം കോടി റിയാലിന്റെ ഉത്തേജക പാക്കേജ് പ്രഖ്യാപിക്കാനാണ് നീക്കം നടക്കുന്നത്. രാജ്യത്തെ പ്രധാന വരുമാന മാര്‍ഗമായിരുന്ന എണ്ണ മേഖലയെ കൂടാതെ മറ്റു മേഖലയെ കൂടുതല്‍ പരിപോഷിപ്പിക്കുന്നതിനായി എണ്ണയിതര മേഖലയയുടെ പുരോഗതിക്കായാണ് പുതിയ ഉത്തേജക പാക്കേജ് പ്രഖ്യാപിക്കുക. രാജ്യത്തിന്റെ വികസന ലക്ഷ്യമായ വിഷന്‍ 2030 ന്റെ പ്രധാന പുരോഗതിക്കായാണ് സ്വകാര്യ മേഖലയെ ശക്തിപ്പെടുത്തുന്നത്.

2020 വരെയുള്ള പദ്ധതികള്‍ക്കായാണ് ഈ തുക നീക്കിവയ്ക്കുക. നിലവില്‍ ഉത്തേജക പാക്കേജില്‍ നിന്ന് 250 കോടി റിയാല്‍ വ്യവസായ മേഖലക്കും 150 കോടി റിയാല്‍ വികസനത്തിന് ആയും നല്‍കിയിട്ടുണ്ട്. ഉത്തേജക പാക്കേജ് മൂലം അടുത്ത സാമ്പത്തിക വര്‍ഷത്തില്‍ വ്യവസായ മേഖലയില്‍ 26 ശതമാനം വളര്‍ച്ച പ്രതീക്ഷിക്കുന്നുണ്ട്. രാജ്യത്തിന്റെ പ്രധാന വരുമാന മാര്‍ഗ്ഗമായിരുന്ന അസംസ്‌കൃത എണ്ണ വില ആഗോള വിപണിയില്‍ കുത്തനെ കുറഞ്ഞിട്ടും ഇതിനെ മറികടക്കാനായുള്ള ശ്രമത്തിന്റെ ഭാഗമായി ഉല്‍പാദനം വെട്ടികുറച്ചിട്ടും സഊദിയുടെ വരുമാനത്തില്‍ വര്‍ധനവാണ് രേഖപ്പെടുത്തിയത്.

എന്നാല്‍, ചില മേഖലയിലുള്ള വളര്‍ച്ചാ ഇടിവ് ഉണ്ടായിട്ടുണ്ടെന്നും ഇത് സ്വാഭാവികമാണെന്നും അടുത്ത് തന്നെ ഇതെല്ലാം മറികടക്കാന്‍ സഊദിക്ക് കരുത്തുണ്ടെന്നും മന്ത്രി പറഞ്ഞു. സഊദി വിനോദ സഞ്ചാര മേഖലയില്‍ വന്‍ നിക്ഷേപമാണ് സഊദി പ്രതീക്ഷിക്കുന്നത്. കൂടാതെ, വിദേശ നിക്ഷേപം കൂടുതലായി പ്രതീക്ഷിക്കുന്നുമുണ്ട് ഇതെല്ലാം രാജ്യത്തെ തൊഴില്‍ മേഖലക്ക് കനത്ത ഉണര്‍വാണ് നല്‍കുകയെന്നും 2019 ഓടെ മാത്രം ഇരുപതിനായിരം തൊഴിലവസരങ്ങളാണ് സൃഷ്ടിക്കാന്‍ കഴിയുമെന്ന് പ്രതീക്ഷിക്കുന്നതായും മന്ത്രി വ്യക്തമാക്കി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.