2020 August 11 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഹൂതി നിയന്ത്രണ സ്ഥാപനങ്ങള്‍ക്ക് സഹായം നല്‍കിയ നടപടിയെ രൂക്ഷമായി വിമര്‍ശിച്ച് സഊദി യുഎന്നില്‍

 

റിയാദ്: യമനില്‍ വിമതരായ ഹൂതികളുടെ സഹായത്തിനായി പണം നല്‍കിയെന്ന യു എന്‍ റിപ്പോര്‍ട്ടിനെതിരേ സഖ്യസേനയുടെ മുന്‍ നിരക്കാരായ സഊദി ശക്തമായി രംഗത്തെത്തി. ഇവരുടെ നേതൃത്വത്തില്‍ നടക്കുന്ന വിദ്യാഭാസ സ്ഥാപനങ്ങള്‍ക്ക് പതിനാലു മില്യണ്‍ ഡോളന്‍ സഹായം നല്‍കിയെന്ന യുഎന്‍ നടപടിക്കെതിരെയാണ് സഊദി രംഗത്തെത്തിയത്.

യു എന്‍ നടപടി അപലപനീയമാണെന്നും സഊദി അതിര്‍ത്തിയില്‍ മാത്രം ആയിരക്കണക്കിന് കുഴിബോംബുകള്‍ നിക്ഷേപിച്ച് ഭീതിപരത്തുന്ന സ്ഥിതി വിശേഷമാന് ഹൂതികള്‍ നടത്തുന്നതെന്നും സഊദി ആരോപിച്ചു.

യു എന്‍ നടപടി പുനഃപരിശോധിക്കണമെന്നും ഹൂതികളെ അംഗീകരിക്കുന്ന നടപടി ഒരിക്കലും സ്വീകാര്യമല്ലെന്നും സഊദി തുറന്നടിച്ചു. യു എന്നില്‍ സ്‌പെഷ്യല്‍ പൊളിറ്റിക്കല്‍ ആന്‍ഡ് ഡികോളനൈസേഷന്‍ കമ്മിറ്റി നടത്തിയ ചര്‍ച്ചയിലാണ് സഊദി തങ്ങളുടെ നിലപാട് വ്യക്തമാക്കിയത്.

ഏതാനും ആഴ്ച്ചകളായി രൂക്ഷമായ സംഘര്‍ഷം നടക്കുന്ന യമനില്‍ ഇതിനകം അഞ്ഞൂറിലധികം വിമത സൈനികര്‍ കൊല്ലപ്പെട്ടതായി യമന്‍ സൈന്യം അറിയിച്ചു. റിബലുകളായ ഹൂതികളും മറ്റു വിമതരും യമന്‍ സൈന്യവുമായുണ്ടായ ഏറ്റുമുട്ടലുകളിലും സഊദിയുടെ നേതൃത്വത്തിലുള്ള സഖ്യ സേനയുടെ ആക്രമണത്തിലുമാണ് കൊല്ലപ്പെട്ടത്.

പ്രധാന നഗരമായ തായിസിലാണ് ഇപ്പോള്‍ ശക്തമായ ഏറ്റുമുട്ടലുകള്‍ നടക്കുന്നത്. കൂടാതെ മറ്റു പല പ്രവിശ്യകളിലും ഏറ്റുമുട്ടല്‍ നടക്കുന്നുണ്ട്. തലസ്ഥാന നഗരിയായ സന്‍ആയിലെ നഹ്മില്‍ നടന്ന വ്യോമാക്രമണത്തില്‍ മാത്രം 200ല്‍ അധികം വിമതരാണ് കൊല്ലപ്പെട്ടത്. കൂടാതെ, വിവിധ ആക്രമണങ്ങളില്‍ ഹൂതികളുടെ വിവിധ വിഭാഗം കമ്മാണ്ടര്‍മാരും കൊല്ലപ്പെട്ടവരില്‍ ഉള്‍പ്പെടും.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.