2018 January 12 Friday
നിശ്ചയമായും അല്ലാഹുവിനോട് ചെയ്ത കരാറിനും തങ്ങള്‍ ചെയ്ത സത്യത്തിനും പകരം (ഐഹികമായ) നിസാരവില വാങ്ങുന്നവരാരോ അവര്‍ക്ക് പരലോകത്ത് യാതൊരംശവുമില്ല.
(വിശുദ്ധ ഖുര്‍ആന്‍)

ആദര്‍ശത്തിനു കാവലൊരുക്കാന്‍ സുന്നീ പ്രവര്‍ത്തകര്‍ സജ്ജം: ആലിക്കുട്ടി മുസ്‌ലിയാര്‍

സൈനുല്‍ ഉലമാ നഗര്‍ (കൂരിയാട് ): സുന്നീ ആദര്‍ശത്തിന്റെ സംരക്ഷണത്തിനു കാവലൊരുക്കാന്‍ സമസ്ത പ്രവര്‍ത്തകര്‍ സജ്ജമാണെന്നു സമസ്ത ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍. സമസ്ത ആദര്‍ശ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
മുസ്‌ലിം ലോകം തുടര്‍ന്നു വരുന്ന സച്ചരിത പാതയെ പരിഹസിക്കുന്ന നിലപാടാണ് പുത്തനാശയ പ്രസ്ഥാനങ്ങളുടേത്. വിശ്വാസത്തെയും അനുഷ്ഠാനങ്ങളേയും വികലപ്പെടുത്തുന്ന നിലപാടാണ് ഇത്തരം കക്ഷികളുടേത്. വികല ആശയ പ്രചാരണവുമായി കടന്നു വന്ന ആഗോള സലഫീ നേതാക്കള്‍ തങ്ങളുടെ ആശയ വൈകല്യങ്ങളുടെ പേരില്‍ ആ കാലഘട്ടത്തില്‍ തന്നെ ശക്തമായി എതിര്‍പ്പു നേരിട്ടിട്ടുണ്ട്. കേരള മുസ്‌ലിംകള്‍ക്കിടയില്‍ ഇത്തരം ആശയ പ്രചാരണത്തെ തടയിടുകയായിരുന്നു സമസ്ത നിര്‍വഹിച്ചത്. അതു തുടരുമെന്നും ആശയക്കുഴപ്പങ്ങള്‍ സൃഷ്ടിച്ച് പുത്തന്‍ പ്രസ്ഥാനക്കാര്‍ നടത്തുന്ന പ്രചാരണങ്ങള്‍ക്കെതിരേ ശക്തമായ പ്രതിരോധനിര തീര്‍ക്കാന്‍ സമസ്ത പ്രവര്‍ത്തകര്‍ കര്‍മ്മരംഗത്തുണ്ടാകുമെന്നും അദ്ദേഹം പറഞ്ഞു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.