2019 November 13 Wednesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

സാജന്റെ ആത്മഹത്യ: ഉദ്യോഗസ്ഥരെ തിരുത്താന്‍ ആന്തൂര്‍ നഗരസഭാ അധ്യക്ഷയ്ക്കു കഴിഞ്ഞില്ലെന്ന് പി. ജയരാജന്‍

തലശേരി: പ്രവാസിയും സംരംഭകനുമായ സാജന്‍ ആത്മഹത്യ ചെയ്ത സംഭവത്തില്‍ ആന്തൂര്‍ നഗരസഭാ അധ്യക്ഷയെ കുറ്റപ്പെടുത്തി സി.പി.എം കണ്ണൂര്‍ ജില്ലാ മുന്‍ സെക്രട്ടറി പി. ജയരാജന്‍. ഉദ്യോഗസ്ഥരെ തിരുത്താന്‍ അധ്യക്ഷ പി.കെ ശ്യാമളയ്ക്ക് കഴിഞ്ഞില്ലെന്ന് ജയരാജന്‍ പറഞ്ഞു.

ഉദ്യോഗസ്ഥര്‍ പറയുന്നത് കേട്ട് അതു നടപ്പാക്കലല്ല ജനപ്രതിനിധികള്‍ ചെയ്യേണ്ടത്. ജില്ലാ സെക്രട്ടേറിയറ്റും തളിപ്പറമ്പ് ഏരിയ കമ്മിറ്റിയും വിഷയം പരിഗണിച്ചതാണെന്നും ജയരാജന്‍ പറഞ്ഞു. ധര്‍മശാലയില്‍ സി.പി.എം സംഘടിപ്പിച്ച രാഷ്ട്രീയവിശദീകരണ യോഗത്തില്‍ പ്രസംഗിക്കുകയായിരുന്നു അദ്ദേഹം.

സാജന്റെ മരണവുമായി ബന്ധപ്പെട്ട വിഷയത്തില്‍ പാര്‍ട്ടിയില്‍ തിരുത്തല്‍ നടപടികളുണ്ടാകും. നഗരസഭാ സെക്രട്ടറിയുടെ ദുര്‍വാശിയാണ് സാജന്റെ മരണത്തിന് കാരണം. ഉദ്യോഗസ്ഥരെ തിരുത്താന്‍ അധ്യക്ഷയ്ക്കു കഴിഞ്ഞില്ല. സാജനുമായി അടുപ്പമുണ്ടായിരുന്നെങ്കിലും പരാതി പറഞ്ഞിട്ടില്ലെന്നും ജയരാജന്‍ വ്യക്തമാക്കി.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.