2019 May 25 Saturday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ശബരിമല ദര്‍ശനത്തിന് ബുക്ക് ചെയ്ത സ്ത്രീകളുടെ എണ്ണം 800 കവിഞ്ഞു

തിരുവനന്തപുരം: മണ്ഡലകാലത്ത് ഇത്തവണ ശബരിമലയിലെത്താന്‍ ഓണ്‍ലൈന്‍ വഴി ബുക്ക് ചെയ്ത യുവതികളുടെ എണ്ണം 800 കഴിഞ്ഞു. ശബരിമല ഡിജിറ്റല്‍ ക്രൗഡ് മാനേജ്‌മെന്റ് സിസ്റ്റം, കെ.എസ്.ആര്‍.ടി.സി ഓണ്‍ലൈന്‍ വഴി ടിക്കറ്റ് ബുക്കിങ് എന്നിവയിലൂടെയാണ് ദര്‍ശന സമയവും ബസ് ടിക്കറ്റും ബുക്ക് ചെയ്തവരാണിവര്‍.

ദര്‍ശന സമയത്തിന് കൂടുതല്‍ യുവതികളും ബുക്ക് ചെയ്തിരിക്കുന്നത് ആന്ധ്രയില്‍ നിന്നാണ്. ആന്ധ്രയെ കൂടാതെ ഡല്‍ഹി, കൊല്‍ക്കത്ത എന്നിവിടങ്ങളില്‍ നിന്നും യുവതികള്‍ ഓണ്‍ലൈന്‍ ബുക്കിങ് നടത്തിയിട്ടുണ്ട്. പ്രതിഷേധം ഉയരുന്നതിനാല്‍ എത്ര പേര്‍ ദര്‍ശനത്തിനെത്തുമെന്ന് വ്യക്തമല്ല.

www.sabarimalaq.com എന്ന വെബ്‌സൈറ്റ് വഴിയാണ് ശബരിമല ദര്‍ശനത്തിനായി ബുക്ക് ചെയ്തിരിക്കുന്നത്. ജനുവരി 19 വരെ ഈ സൈറ്റിലൂടെ ദര്‍ശനത്തിനായി ബുക്ക് ചെയ്യാം. ഒക്ടോബര്‍ 30നാണ് പോലിസ് തീര്‍ഥാടകര്‍ക്കായി ഈ ഓണ്‍ലൈന്‍ പോര്‍ട്ടല്‍ ആരംഭിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.