2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

പഞ്ചായത്ത് വകുപ്പിനെ തകര്‍ക്കുന്ന സര്‍ക്കാര്‍ നയങ്ങളെ ചെറുത്തു തോല്‍പ്പിക്കുമെന്ന് എസ്.ഇ.യു

മലപ്പുറം: അധികാരവികേന്ദ്രീകരണം ഭംഗിയായി നടപ്പാക്കി ലോകഖ്യാതി നേടിയ കേരള മാതൃക മുച്ചൂടും നശിപ്പിക്കുന്ന ഇടതുസര്‍ക്കാര്‍ നയങ്ങളെ ചെറുത്തു തോല്‍പ്പിക്കുമെന്ന് പി.ഉബൈദുള്ള എം.എല്‍.എ. സ്റ്റേറ്റ് എംപ്ലോയിസ് യൂണിയന്‍ (എസ്.ഇ.യു) മലപ്പുറം ജില്ലാ കമ്മിറ്റിയുടെ പഞ്ചായത്ത് ഡെപ്യൂട്ടി ഡയറക്ടര്‍ ഓഫിസ് ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. എസ്.ഇ.യു ജില്ലാ പ്രസിഡണ്ട് കെ.അബ്ദുല്‍ ബഷീര്‍ അധ്യക്ഷത വഹിച്ചു.

പഞ്ചായത്ത് വകുപ്പിലെ പെര്‍ഫോര്‍മന്‍സ് ഓഡിറ്റ് വിഭാഗം നിര്‍ത്തലാക്കാനുള്ള നീക്കം ഉപേക്ഷിക്കുക, വകുപ്പ് ഏകീകരണ നീക്കം ഉപേക്ഷിക്കുക, ജോലിഭാരം പരിഗണിക്കാതെയും തസ്തികകള്‍ അനുവദിക്കാതെയും പുതിയ മിഷനുകളും പ്രൊജക്ടുകളും അടിച്ചേല്‍പ്പിക്കുന്ന സര്‍ക്കാര്‍ നയം തിരുത്തുക തുടങ്ങിയ ആവശ്യങ്ങളും സമരത്തില്‍ ഉന്നയിച്ചു.

തദ്ദേശസ്ഥാപന ജനപ്രതിനിധിയായി കാല്‍നൂറ്റാണ്ട് പൂര്‍ത്തിയാക്കിയതിന് പഞ്ചായത്ത് ദിനത്തോടനുബന്ധിച്ച് സര്‍ക്കാര്‍ നല്‍കിയ പുരസ്‌കാരം, തദ്ദേശ സ്ഥാപനങ്ങളോടുള്ള ഇടതുസര്‍ക്കാറിന്റെ പ്രതിലോമ നയങ്ങളില്‍ പ്രതിഷേധിച്ച് തിരസ്‌കരിച്ച ജില്ലാ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്‍മാന്‍ ഉമ്മര്‍ അറക്കലിന് സമരപ്പന്തലില്‍ പി. ഉബൈദുള്ള എം.എല്‍.എ ആദരിച്ചു.

എസ്.ഇ.യു സംസ്ഥാന പ്രസിഡന്റ് എ.എം അബൂബക്കര്‍ മുഖ്യപ്രഭാഷണം നടത്തി. സംസ്ഥാന സെക്രട്ടറി എം.എ മുഹമ്മദാലി, അഷ്‌റഫ് മാവൂര്‍, വി.കെ മുനീര്‍ റഹ്മാന്‍, സി. ലക്ഷ്മണന്‍ പ്രസംഗിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.