2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

ഷൂട്ടൗട്ടില്‍ റഷ്യ വീണു; ക്രൊയേഷ്യ സെമിയില്‍

സോചി: റഷ്യക്കെതിരേ ഷൂട്ടൗട്ടില്‍ 4-3ന്റെ വിജയവുമായി ക്രൊയേഷ്യ സെമിഫൈനലില്‍. നിശ്ചിത സമയത്തും അധികസമയത്തും  മത്സരം സമനിലയിലായതൊടെയാണ് ഷൂട്ടൗട്ടിലേയ്ക്ക് കടന്നത്. 

ക്രൊയേഷ്യ നാല് ഗോള്‍ നേടിയപ്പോള്‍ അതിഥേയര്‍ക്ക് മൂന്ന് ഗോള്‍ നേടാന്‍ മാത്രമെ സാധിച്ചുള്ളു. സെമിയില്‍ ഇംഗ്ലണ്ടാണ് ക്രൊയേഷ്യയുടെ എതിരാളി.
ആവേശം അവസാന നിമിഷം വരെ നീണ്ടുനിന്ന മത്സരത്തില്‍ ഇരു ടീമികളും മികച്ച മുന്നേറ്റങ്ങള്‍ നടത്തി.

31-ാംമിനിറ്റില്‍ ഗോളിയെ കാഴ്ച്ചക്കാരനാക്കി ഡെനിസ് ചെറിഷേവ് റഷ്യക്ക് വേണ്ടി മനോഹരമായ ഗോള്‍ നേടി. എന്നാല്‍ അധികം വൈകാതെ തന്നെ ക്രൊയേഷ്യ മറുപടി നല്‍കി. 39-ാം മിനിറ്റില്‍ എന്‍ട്രജ് ക്രമറികാണ് ക്രൊയേഷ്യക്ക് വേണ്ടി ഗോള്‍ നേടിയത്. 

എന്നാല്‍ നിശ്ചിത സമയത്ത് ലീഡ് നേടാന്‍ ഇരു ടീമിനും സാധികാതെ വന്നതൊടെ മത്സരം അധിക സമയത്തെക്ക് നീണ്ടു.
101-ാംമിനിറ്റില്‍ ക്രൊയേഷ്യയെ ദോമാഗോജ് വിദ മുന്നിലെത്തിച്ചു. എന്നാല്‍ 115-ാംമിനിറ്റില്‍ ലഭിച്ച ഫ്രീകിക്ക് മികച്ച ഹെഡറിലൂടെ ഗോളാക്കിയ മറിയോ ഫെര്‍ണാണ്ടസ് റഷ്യയെ ഒപ്പമെത്തിച്ചു.
ഇതൊടെ അധിക സമയത്തും സമനിലയിലായതൊടെയാണ് മത്സരം ഷൂട്ടൗട്ടിലേയ്ക്ക് നീങ്ങിയത്.
ക്രൊയേഷ്യയുടെ ലുക്കാ മോഡ്രിക്കാണ് മത്സരത്തിലെ താരം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.