2017 November 09 Thursday
ചിന്തിക്കാത്തവരുടെ മനസ്സ് ആള്‍പാര്‍പ്പില്ലാത്ത വീടുപോലെ ജീര്‍ണിച്ചു പോകുന്നു
യുങ്‌

ഗുജറാത്തില്‍ വാക്കുമാറ്റി എന്‍.സി.പി; രണ്ടു എം.എല്‍.എമാര്‍ ബി.ജെ.പിക്ക് വോട്ടുചെയ്യും

സൂറത്ത്: ഗുജറാത്തിലെ രാജ്യസഭാ തെരഞ്ഞെടുപ്പില്‍ നാഷണലിസ്റ്റ് കോണ്‍ഗ്രസ് പാര്‍ട്ടി (എന്‍.സി.പി) എം.എല്‍.എമാര്‍ ബി.ജെ.പിയെ പിന്തുണച്ച് വോട്ടുചെയ്യും. നേരത്തെ, കോണ്‍ഗ്രസിന് പിന്തുണ പ്രഖ്യാപിച്ചിരുന്നുവെങ്കിലും രാത്രിയോടെ നിലപാടു മാറ്റുകയായിരുന്നു.

രണ്ടു എം.എല്‍.എമാരാണ് ഗുജറാത്തില്‍ എന്‍.സി.പിക്കുള്ളത്. കോണ്‍ഗ്രസില്‍ നിന്നു മത്സരിക്കുന്ന അഹമ്മദ് പാട്ടേലിന് പിന്തുണ നല്‍കുമെന്ന് ഇവര്‍ നേരത്തെ പ്രഖ്യാപിച്ചിരുന്നു.

മൂന്ന് രാജ്യസഭാ സീറ്റുകളിലേക്ക് ചൊവ്വാഴ്ചയാണ് ഗുജറാത്തില്‍ തെരഞ്ഞെടുപ്പ് നടക്കുന്നത്. ബി.ജെ.പി ദേശീയ അധ്യക്ഷന്‍ അമിത് ഷാ, കേന്ദ്രമന്ത്രി സ്മൃതി ഇറാനി, കോണ്‍ഗ്രസില്‍ നിന്നു രാജിവച്ച് ബി.ജെ.പിയില്‍ ചേര്‍ന്ന ബല്‍വന്ദ് സിങ് രജ്പുത് എന്നിവരാണ് ബി.ജെ.പിയില്‍ നിന്നു മത്സരിക്കുന്നത്. കോണ്‍ഗ്രസില്‍ നിന്ന് സോണിയാ ഗാന്ധിയുടെ രാഷ്ട്രീയ സെക്രട്ടറി കൂടിയായി അഹമ്മദ് പാട്ടേലുമാണ് മാത്സരിക്കുന്നത്.

കോണ്‍ഗ്രസില്‍ നിന്ന് ആറ് എം.എല്‍.എമാര്‍ രാജിവച്ചതാണ് വലിയ പ്രത്യാഘാതമുണ്ടാക്കിയത്. ഇവരില്‍ മൂന്നു പേര്‍ ബി.ജെ.പിയില്‍ ചേരുകയും ചെയ്തിരുന്നു. ബാക്കിയുള്ള 44 എം.എല്‍.എമാരെ ബി.ജെ.പിയിലേക്കു വലിച്ചുകൊണ്ടുപോവുമെന്ന ഭയത്താല്‍ ബെംഗളൂരുവില്‍ കൊണ്ടുവന്ന് താമസിപ്പിച്ചിരുന്നു. ഇവരെ ഇന്നാണ് ഗുജറാത്തില്‍ തിരിച്ചെത്തിച്ചത്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.