2019 May 22 Wednesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

റിയോയിലെ ഒളിമ്പിക് വില്ലേജ് കൊള്ളില്ലെന്ന് ആസ്‌ത്രേലിയന്‍ അത്‌ലറ്റുകള്‍

റിയോ: ബ്രസീല്‍ ഒരുക്കിയ ഒളിമ്പിക് വില്ലേജില്‍ തങ്ങള്‍ താമസിക്കില്ലെന്നറിയിച്ച് ആസ്‌ത്രേലിയന്‍ താരങ്ങള്‍ രംഗത്ത്. അവിടെ താമസിക്കാനാവില്ലെന്നും തങ്ങള്‍ വേറെ സ്ഥലം നോക്കിക്കൊള്ളാമെന്നും ആസ്‌ത്രേലിയന്‍ ഒളിമ്പിക്‌സ് കമ്മിറ്റി അറിയിച്ചു.

ടോയ്‌ലറ്റുകള്‍ ബ്ലോക്കായിക്കിടക്കുന്നു, പൈപ്പ് ലീക്കേജാണ്, വയറിങും ശരിയല്ല, ഇരുട്ടുകൂടിയ സ്റ്റേയര്‍കേസ്- തുടങ്ങി ആവശ്യത്തിന് വെളിച്ചം പോലുമില്ലെന്ന ഗുരുതരമായ പരാതിയാണ് ആസ്‌ത്രേലിയ ഉന്നയിച്ചത്.

എന്നാല്‍ ഒളിമ്പിക് വില്ലേജില്‍ എല്ലാം സജ്ജീകരിച്ചിട്ടുണ്ടെന്നും ചെറിയ ചില പണികള്‍ മാത്രമാണ് ബാക്കിയുള്ളതെന്നും ഒരു സംഘാടകന്‍ പറഞ്ഞു. അത് ഈ ആഴ്ച തന്നെ നന്നാക്കുമെന്നും അദ്ദേഹം പറഞ്ഞു.

ആരോഗ്യപ്രശ്‌നങ്ങളും മറ്റു സൗകര്യക്കുറവും ചൂണ്ടിക്കാട്ടി താരങ്ങള്‍ വ്യാപകമായി ഒളിമ്പികിസ്‌കില്‍ നിന്ന് പിന്മാറുന്നതിനിടെയാണ് ആസ്‌ത്രേലിയയുടെ രൂക്ഷ വിമര്‍ശനം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.