2018 September 24 Monday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല.
-ഭഗവത്ഗീത

ആര്‍.സി.സി സംഭവം: ചികിത്സയ്ക്കിടെ കുട്ടിക്ക് എച്ച്.ഐ.വി ബാധിതന്റെ രക്തം നല്‍കിയതായി സ്ഥിരീകരണം

തിരുവനന്തപുരം: ആര്‍.സി.സിയില്‍ നിന്നും രക്തം സ്വീകരിച്ച കുട്ടി മരിക്കാനിടയായത് രക്തം സ്വീകരിച്ചതിനാലാണെന്ന് സ്ഥരീകരണം. എച്ച്.ഐ.വി ബാധിതന്റെ രക്തം കുട്ടിക്ക് നല്‍കിയതായാണ് സ്ഥിരീകരണം. ചികിത്സയ്ക്കിടെ 48 പേരുടെ രക്തം കുട്ടിക്ക് നല്‍കിയിരുന്നു. ഇതില്‍ ഒരാള്‍ക്കാണ് എച്ച്.ഐ.വി ഉണ്ടെന്ന് തെളിഞ്ഞത്. എയ്ഡ്‌സ് കണ്‍ട്രോള്‍ സൊസൈറ്റിയുടെ പരിശോധനാ ഫലമാണ് ഇപ്പോള്‍ പുറത്തുവന്നിരിക്കുന്നത്. വിന്‍ഡോ പിരീഡില്‍ രക്തം നല്‍കിയതിനാലാണ് രോഗം തിരിച്ചറിയാന്‍ സാധിക്കാത്തതെന്നും റിപ്പോര്‍ട്ടില്‍ പറയുന്നു.

2017 മാര്‍ച്ച് ഒന്നിനായിരുന്നു കുട്ടിയെ കാന്‍സര്‍ ബാധയെ തുടര്‍ന്ന് ആര്‍.സി.സിയില്‍ എത്തിച്ചത്. ഇവിടെ നിന്ന് രക്തം സ്വീകരിച്ച ശേഷം കുട്ടിക്ക് എച്ച്.ഐ.വി ബാധയാണെന്ന് സംശയമുണ്ടായി. എന്നാല്‍, സ്ഥിരീകരിച്ചിരുന്നില്ല. കാന്‍സര്‍ ബാധയെ തുടര്‍ന്ന് 13 മാസമായി ചികിത്സയിലായിരുന്നു കുട്ടി. പനി ബാധിച്ചതിനെ തുടര്‍ന്ന് വണ്ടാനം മെഡിക്കല്‍ കോളജില്‍ ചികിത്സയ്ക്കിടെയാണ് മരിച്ചത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.