2019 August 20 Tuesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

കിങ്ഫിഷര്‍ അക്കൗണ്ടിലെ ക്രമക്കേട് റിപ്പോര്‍ട്ട് ചെയ്യാന്‍ വൈകി; പഞ്ചാബ് ബാങ്കിന് ₹50 ലക്ഷം പിഴ

 

ന്യൂഡല്‍ഹി: പഞ്ചാബ് നാഷണല്‍ ബാങ്കിന് ഭീമന്‍ പിഴ ചുമത്തി ആര്‍.ബി.ഐ. കിങ്ഫിഷര്‍ എയര്‍ലൈനിന്റെ അക്കൗണ്ടില്‍ നടന്ന ക്രമക്കേട് റിപ്പോര്‍ട്ട് ചെയ്യാന്‍ വൈകിയെന്നു ചൂണ്ടിക്കാട്ടിയാണ് 50 രൂപ പിഴയിട്ടത്.

ക്രമക്കേട് നടന്നെന്ന് കാണിച്ച് 2018 ജൂലൈ പത്തിന് സമര്‍പ്പിച്ച റിപ്പോര്‍ട്ടിന്മേലാണ് നടപടി. ബാങ്കിങ് റെഗുലേഷന്‍ ആക്ട്, 1949 പ്രകാരമാണ് നടപടി.

നേരത്തെ, എട്ട് പൊതുമേഖലാ ബാങ്കുകള്‍ക്കെതിരെ ഇതേ പേരില്‍ പിഴയിട്ടിരുന്നു. ബാങ്ക് ഓഫ് ബറോഡ, ബാങ്ക് ഓഫ് ഇന്ത്യ, ഇന്ത്യന്‍ ഓവര്‍സീസ് ബാങ്ക്, യൂനിയന്‍ ബാങ്ക് ഓഫ് ഇന്ത്യ എന്നിവയ്ക്ക് 1.5 കോടി രൂപ വീതവും, അലഹബാദ് ബാങ്ക്, ബാങ്ക് ഓഫ് മഹാരാഷ്ട്ര എന്നിവയ്ക്ക് രണ്ടു കോടി രൂപ വീതവും ഓറിയന്റല്‍ ബാങ്ക് ഓഫ് കൊമേഴ്‌സിന് ഒരു കോടി രൂപയുമാണ് പിഴയിട്ടത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.