2019 July 17 Wednesday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

റായ്ബറേലിയിലെ കോച്ച് ഫാക്ടറി സ്വകാര്യമേഖലക്ക് തീറെഴുതാന്‍ കേന്ദ്ര സര്‍ക്കാര്‍: കടുത്ത പ്രതിഷേധവുമായി സോണിയ

ന്യൂഡല്‍ഹി: റായ്ബറേലിയിലെ റെയില്‍വേ കോച്ച് ഫാക്ടറി സ്വകാര്യവത്കരിക്കുന്നതിനെതിരേ ലോക്‌സഭയില്‍ ശബ്ദിച്ച് സോണിയ ഗാന്ധി. റായ്ബറേലിയിലെ ആധുനിക കോച്ച് ഫാക്ടറി സ്വകാര്യവത്കരിക്കാനുള്ള ശ്രമമാണ് സര്‍ക്കാര്‍ നടത്തുന്നത്. ഒരു പരീക്ഷണത്തിനായി സര്‍ക്കാര്‍ ഈ ഫാക്ടറി തന്നെ തെരഞ്ഞെടുത്തിലാണ് വലിയ ആശങ്കയെന്നും സോണിയ ചൂണ്ടിക്കാട്ടി. സര്‍ക്കാര്‍ നടപടിയിലൂടെ ആയിരക്കണക്കിന് ആളുകള്‍ക്ക് തൊഴില്‍ നഷ്ടപ്പെടുമെന്നും അവരുടെ കുടുംബങ്ങള്‍ അനിശ്ചതത്വത്തിലാകുമെന്നും ശൂന്യവേളയില്‍ സോണിയ ചൂണ്ടിക്കാട്ടി.

മികച്ച ഗുണനിലവാരമുള്ള കോച്ചുകള്‍ കുറഞ്ഞ വിലയ്ക്കു ലഭ്യമാകുന്നതിന് വേണ്ടി യു.പി.എ സര്‍ക്കാരിന്റെ കാലത്ത് സ്ഥാപിച്ചതാണ് കോച്ച് ഫാക്ടറി. ഫാക്ടറിയെ സംരക്ഷിക്കണമെന്നും തൊഴിലാളികളെ അരക്ഷിതാവസ്ഥയിലേക്ക് തള്ളിയിടരുതെന്നും സോണിയ ആവശ്യപ്പെട്ടു. എച്ച്.എ.എല്‍, ബി.എസ്.എന്‍.എല്‍, എം.ടി.എന്‍.എല്‍ എന്നീ പൊതുമേഖലാ സ്ഥാപനങ്ങളുടെ നിലവിലെ അവസ്ഥയിലും സോണിയ ആശങ്ക പ്രകടിപ്പിച്ചു.
ഈ സ്ഥാപനങ്ങളുടെ അവസ്ഥ ആരില്‍ നിന്നും മറച്ചു പിടിക്കാന്‍ കഴിയില്ല. വിലമതിക്കാനാവാത്ത സമ്പത്ത് ചുരുങ്ങിയ വിലയ്ക്ക് സ്വകാര്യ കുത്തകകളുടെ കൈയില്‍ എത്താനേ സ്വകാര്യവത്കരണം സഹായിക്കൂ. ഇതുവഴി ആയിരക്കണക്കിന് ജീവനക്കാര്‍ തൊഴില്‍ രഹിതരാകുമെന്നും സോണിയ ചൂണ്ടിക്കാട്ടി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.