2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

അറബ് ലോകം വേദിയാകുന്ന ആദ്യ ലോകകപ്പിന്റെ തിയതി കുറിച്ച് ഫിഫ

  • ഖത്തര്‍ ലോകകപ്പ് 2022 നവംബര്‍ 21 മുതല്‍ ഡിസംബര്‍ 18 വരെ

  • ശൈത്യകാലത്ത് നടക്കുന്ന ആദ്യ ലോകകപ്പ്

 

ലണ്ടന്‍: അറബ് രാജ്യമായ ഖത്തര്‍ വേദിയാകുന്ന 2022ലെ ലോകകപ്പിന്റെ തിയ്യതി ഫിഫ പ്രഖ്യാപിച്ചു. അറബ് ലോകം വേദിയാകുന്ന ആദ്യ ലോകകപ്പാണ് ഖത്തര്‍ ലോകകപ്പ്. 2022 നവംബര്‍ 21 മുതല്‍ ഡിസംബര്‍ 18 വരെയാണ് മത്സരങ്ങള്‍ നടക്കുന്നത്. ഫിഫ പ്രസിഡന്റ് ജിയാന്നി ഇന്‍ഫാന്റിനോയാണ് മത്സരത്തിന്റെ തിയ്യതി പ്രഖ്യാപിച്ചത്. റഷ്യയില്‍ നടക്കുന്ന ലോകകപ്പ് ഫുട്‌ബോളിന്റെ സമാപനത്തോടനുബന്ധിച്ച് ഫിഫ നടത്തിയ വാര്‍ത്താ സമ്മേളനത്തിലാണ് ഖത്തര്‍ ലോകകപ്പിന്റെ തിയ്യതി ഇന്‍ഫാന്റിനോ പ്രഖ്യാപിച്ചത്.

ശൈത്യകാലത്താണ് ഖത്തര്‍ ലോകകപ്പ്. ലോകകപ്പ് ചരിത്രത്തില്‍ ആദ്യമായാണ് ശൈത്യകാലത്ത് നടക്കുന്നത്. ഖത്തര്‍ വേള്‍ഡ് കപ്പില്‍ 32 ടീമുകളെ ഷെഡ്യൂള്‍ ചെയ്യാനാണ് തീരുമാനം. എന്നാല്‍, ചിലപ്പോള്‍ ഇത് 48 ആകാനും സാധ്യതയുണ്ടെന്നും അതിനാല്‍ ഈ തീരുമാനം അന്തിമമല്ലെന്നും ഇന്‍ഫാന്റിനോ വാര്‍ത്താ സമ്മേളനത്തില്‍ പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.