2020 July 15 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഖത്തറിൽ മെയ് 31 വരെ മുഴുവൻ ഷോപ്പുകളും അടച്ചിടും; ഫോണിൽ ഇഹ്തിറാസ് ആപ്പ് നിർബ്ബന്ധം

അഹമ്മദ് പാതിരിപ്പറ്റ

ദോഹ: ഖത്തറില്‍ നാളെ മുതല്‍ മെയ് 30 വരെ ഫുഡ് ഔട്ട്‌ലെറ്റുകള്‍, ഫാര്‍മസികള്‍, റസ്റ്റോറന്റുകള്‍ ഒഴികെയുള്ള മുഴുവന്‍ ഷോപ്പുകളും അടച്ചിടാന്‍ മന്ത്രിസഭാ തീരുമാനം. വീടിനു പുറത്തിറങ്ങുന്നവര്‍ മുഴവന്‍ സ്മാര്‍ട്ട് ഫോണില്‍ ഇഹ്തിറാസ് ആപ്പ് ഡൗണ്‍ലോഡ് ചെയ്യണമെന്നും തീരുമാനത്തില്‍ പറയുന്നു. സ്വകാര്യ കാറുകളില്‍ രണ്ടില്‍ കൂടുതല്‍ പേര്‍ യാത്ര ചെയ്യാനും പാടില്ല.

പ്രധാനമന്ത്രി ശെയ്ഖ് ഖാലിദ് ബിന്‍ ഖലീഫ അബ്ദുല്‍ അസീസ് ആല്‍ഥാനിയുടെ നേതൃത്വത്തില്‍ ഇന്ന് ചേര്‍ന്ന യോഗത്തിലെ പ്രധാന തീരുമാനങ്ങള്‍ ഇവയാണ്.

  1. വീടിന് പുറത്ത് ഏത് കാരണത്തിനും ഇറങ്ങുന്നവര്‍ സ്മാര്‍ട്ട് ഫോണില്‍ ഇഹ്തിറാസ് ആപ്പ് ഡൗണ്‍ലോഡ് ചെയ്യണം. വെള്ളിയാഴ്ച്ച മുതല്‍ ഇനിയൊരു അറിയിപ്പുണ്ടാവുന്നതുവരെയാണ് ഈ തീരുമാനം.
  2. സ്വകാര്യ വാഹനങ്ങളില്‍ രണ്ടില്‍ കൂടുതല്‍ പേര്‍ യാത്ര ചെയ്യാന്‍ പാടില്ല. ടാക്‌സികള്‍, ലിമോസിനുകള്‍, കുടുംബ ഡ്രൈവര്‍ ഓടിക്കുന്ന സ്വകാര്യ വാഹനങ്ങള്‍ എന്നിവയില്‍ പരമാവധി മൂന്നുപേര്‍ക്ക് യാത്ര ചെയ്യാം.
  3. താമസ സ്ഥലത്തോട് അടുത്ത സ്ഥലങ്ങളില്‍ മുന്‍കരുതല്‍ നടപടികള്‍ സ്വീകരിച്ചുകൊണ്ട് മാത്രമേ വ്യായാമം ചെയ്യാന്‍ പാടുള്ളു
  4. മെയ് 19 മുതല്‍ മെയ് 30 രാജ്യത്തെ എല്ലാ ഷോപ്പുകളും അടച്ചിടുകയും വാണിജ്യപ്രവര്‍ത്തനങ്ങള്‍ നിര്‍ത്തിവയ്ക്കുകയും ചെയ്യും. ഫുഡ് ഔട്ട്‌ലെറ്റുകള്‍, ഫാര്‍മസികള്‍, റസ്റ്റോറന്റുകള്‍ എന്നിവയ്ക്കു മാത്രമാണ് ഇളവ്. ഇളവ് നല്‍കാവുന്ന മറ്റു മേഖലകള്‍ വാണിജ്യ, വ്യവസായ മന്ത്രാലയത്തിനു തീരുമാനിക്കാം.
  5. നിയമം ലംഘിച്ചാല്‍ മൂന്ന് വര്‍ഷം വരെ തടവും രണ്ട് ലക്ഷം റിയാല്‍ വരെ പിഴയുമായിരിക്കും ശിക്ഷ.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.