2020 August 05 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഖത്തര്‍ ജനസംഖ്യയില്‍ വര്‍ധന

അഹമ്മദ് പാതിരിപ്പറ്റ

ദോഹ: ഖത്തര്‍ ജനസംഖ്യയില്‍ വര്‍ധന. സെപ്തംബറിനെ അപേക്ഷിച്ച് ഒക്ടോബറില്‍ 1.3 ശതമാനത്തിന്റെ വര്‍ധനവാണുണ്ടായത്. വികസനാസൂത്രണ സ്ഥിതിവിവരക്കണക്ക് മന്ത്രാലയത്തിന്റെ ഏറ്റവും പുതിയ റിപ്പോര്‍ട്ട് പ്രകാരം ഒക്ടോബര്‍ 31ലെ ഖത്തര്‍ ജനസംഖ്യ 26,68,415 ആണ്. സെപ്തംബര്‍ 30ന് പുറത്തുവിട്ട കണക്കുകളെ അപേക്ഷിച്ച് ജനസംഖ്യയില്‍ 3400പേരുടെ വര്‍ധനവുണ്ടായിട്ടുണ്ട്. മൂന്നു മാസങ്ങള്‍ക്കുശേഷം സെപ്തംബറിലായിരുന്നു ഖത്തര്‍ ജനസംഖ്യ വീണ്ടും 26ലക്ഷം മറികടന്നത്. നീണ്ട വേനലധിക്കുശേഷം പ്രവാസികുടുംബങ്ങള്‍ മടങ്ങിയെത്തിയത്തോടെയാണ് സെപ്തംബര്‍, ഒക്ടോബര്‍ മാസങ്ങളിലെ ജനസംഖയില്‍ വര്‍ധനവുണ്ടായത്. ഖത്തറിലെ ഇതുവരെയുള്ളതില്‍ ഏറ്റവും ഉയര്‍ന്ന ജനസംഖ്യ രേഖപ്പെടുത്തിയത് മേയിലായിരുന്നു. ആ മാസം 27ലക്ഷമായിരുന്നു ജനസംഖ്യ. ഖത്തറിന്റെ ചരിത്രത്തിലാദ്യമായിട്ടായിരുന്നു ജനസംഖ്യ 27ലക്ഷത്തിലെത്തുന്നതെന്ന സവിശേഷതയുമുണ്ടായിരുന്നു. ഈ വര്‍ഷത്തെ രണ്ടാമത്തെ ഉയര്‍ന്ന ജനസംഖ്യ രേഖപ്പെടുത്തിയത് ഏപ്രിലിലായിരുന്നു. 26,75,522 ആയിരുന്നു ഏപ്രിലില്‍ ഖത്തറിലെ ജനങ്ങളുടെ എണ്ണം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.