2019 June 16 Sunday
കാരുണ്യമില്ലാത്തവന് ദൈവത്തിന്റെ കാരുണ്യവുമില്ല – മുഹമ്മദ് നബി (സ)

‘എല്ലാ രക്തസാക്ഷികളെയും ബഹുമാനിക്കാന്‍ പഠിക്കൂ’; മോദിയോട് രാജീവ് ഗാന്ധിയെ സൂചിപ്പിച്ച് പ്രിയങ്കാ ഗാന്ധി

 

ജറാര്‍: ദേശീയത, രക്തസാക്ഷികളോടുള്ള ബഹുമാനം എന്നീ വിഷയങ്ങള്‍ വോട്ടിന് ചര്‍ച്ചയാക്കുന്ന പ്രധാനമന്ത്രി നരേന്ദ്ര മോദിക്കെതിരെ കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധി. എല്ലാ രക്തസാക്ഷികളെയും ബഹുമാനിക്കാന്‍ പഠിക്കൂ, പ്രതിപക്ഷ നേതാവിന്റെ പിതാവിനെ അടക്കം എന്നാണ് പ്രിയങ്ക പറഞ്ഞത്. രാജീവ് ഗാന്ധി എന്ന പേരു പറയാതെയാണ് പ്രിയങ്കയുടെ അമ്പെയ്ത്ത്.

ഉത്തര്‍പ്രദേശിലെ ജറാറില്‍ കോണ്‍ഗ്രസ് സ്ഥാനാര്‍ഥി രാജ് ബബ്ബാറിന്റെ പ്രചരണ യോഗത്തില്‍ സംസാരിക്കുകയായിരുന്നു പ്രിയങ്ക. ‘രാജ്യത്തിനു വേണ്ടി ജീവന്‍ നല്‍കിയവരെ ബഹുമാനിക്കുന്നില്ലെങ്കില്‍ നിങ്ങള്‍ ദേശീയവാദികളല്ല’- പ്രിയങ്കാ ഗാന്ധി പറഞ്ഞു. തുടര്‍ന്ന് ‘പ്രതിപക്ഷ നേതാവിന്റെ രക്തസാക്ഷിയായ പിതാവിനെ കൂടി ബഹുമാനിക്കണം’ എന്നു കൂടി പ്രിയങ്ക പറഞ്ഞു.

ഇതു രണ്ടാമത്തെ പ്രാവശ്യമാണ് രാജീവ് ഗാന്ധിക്കു വേണ്ടി പ്രിയങ്ക സംസാരിക്കുന്നത്. നേരത്തെ അമേത്തിയിലെ മോദിയുടെ റാലിക്കു ശേഷവും ഇതേ രീതിയില്‍ പ്രിയങ്ക പ്രതികരണം നടത്തിയിരുന്നു. ‘അദ്ദേഹം എന്റെ രക്തസാക്ഷിയായ പിതാവിനെ അമേത്തിയുടെ മണ്ണില്‍ അപമാനിച്ചു. ഈ പ്രവൃത്തിയില്‍ ജനങ്ങള്‍ ഒരിക്കലും അദ്ദേഹത്തിന് മാപ്പുനല്‍കില്ല. ഓരോ ബൂത്തിലൂടെയും അവര്‍ മറുപടി നല്‍കും’- പ്രിയങ്ക പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.