2019 July 22 Monday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

രാജ്യത്തെ ദുരന്തങ്ങള്‍ക്ക് കാരണം മോദി അശുഭ സമയത്ത് സത്യപ്രതിജ്ഞ ചെയ്തതെന്ന് ലാലു പ്രസാദ് യാദവ്

പട്‌ന: പ്രധാനമന്ത്രി നരേന്ദ്ര മോദി അശുഭ സമയത്ത് സത്യപ്രതിജ്ഞ ചെയ്തതുകൊണ്ടാണ് രാജ്യത്ത് ദുരന്തങ്ങള്‍ ഉണ്ടാവുന്നതെന്ന് രാഷ്ടീയ ജനതാദള്‍ നേതാവ് ലാലു പ്രസാദ് യാദവ്. മോദിയെ ആരും ഇപ്പോള്‍ ശ്രദ്ധിക്കുന്നില്ലെന്നും പറഞ്ഞ ലാലു ആദര്‍ശ് ഗ്രാമ പദ്ധതിക്ക് സംഭവിച്ചതെന്താണെന്നു ചോദിച്ചു.ധാന്യങ്ങളുടെ വിലക്കയറ്റം തടയുന്നതില്‍ മോദി പരാജയപ്പെട്ടുവെന്നും അദ്ദേഹം പറഞ്ഞു.
സംസ്ഥാനം കടുത്ത വരള്‍ച്ച നേരിടുന്നതിനാല്‍ ജലം ലഭ്യമാകുന്നതുവരെ യാഗങ്ങളും മറ്റും മാറ്റിവയ്ക്കണം. ഇവ നടത്തുന്നതുമൂലം തീപിടുത്തം ഉണ്ടാകാനുള്ള സാധ്യത കൂടുതലാണ്. വീടുകളില്‍ തീപിടുത്തം ഉണ്ടാകാതെ സൂക്ഷിക്കണമെന്നും അദ്ദേഹം ജനങ്ങളോട് ആവശ്യപ്പെട്ടു.ജലദൗര്‍ലഭ്യം രൂക്ഷമായ സാഹചര്യത്തില്‍ ഓരോ ഗ്രാമങ്ങളിലും നാലു മുതല്‍ ആറു കിണറുകള്‍ വരെ കുഴിക്കും. ഇതിനുള്ള സഹായം സംസ്ഥാന സര്‍ക്കാരിനോട് ആവശ്യപ്പെടുമെന്നും ലാലു പ്രസാദ് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.