2019 February 22 Friday
ശരീരത്തിനു സൗന്ദര്യം എന്നതുപോലെയാണ് മനസ്സിന് തെളിമയാര്‍ന്ന ചിന്ത -ലാറേഷ് ഫുക്കോള്‍ഡ്

കുഞ്ഞുങ്ങളെ പീഡിപ്പിക്കുന്നവര്‍ക്ക് വധശിക്ഷ: ഓര്‍ഡിനന്‍സിന് രാഷ്ട്രപതിയുടെ അംഗീകാരം

ന്യൂഡല്‍ഹി: 12 വയസ്സിനു താഴെയുള്ള കുഞ്ഞുങ്ങളെ പീഡിപ്പിക്കുന്നവര്‍ക്ക് വധശിക്ഷ ഉറപ്പുവരുത്തുന്ന ഓര്‍ഡിനന്‍സിന് രാഷ്ട്രപതി രാംനാഥ് കോവിന്ദിന്റെ അംഗീകാരം. ശനിയാഴ്ച കേന്ദ്രമന്ത്രിസഭ അംഗീകാരം നല്‍കിയ ഓര്‍ഡിനന്‍സാണിത്. ഇനി ആറാഴ്ചയ്ക്കുള്ളില്‍ ഇരുസഭകളിലും പാസായാല്‍ ഇതു നിയമമാവും.

12 വയസ്സിനു താഴെയുള്ള പെണ്‍കുട്ടികളെ പീഡിപ്പിക്കുന്നവര്‍ക്ക് 20 വര്‍ഷത്തെ തടവോ, ജീവിതകാല തടവോ, കൂടിയാല്‍ വധശിക്ഷയോ നല്‍കാമെന്നാണ് ഓര്‍ഡിനന്‍സ് ശിപാര്‍ശ ചെയ്യുന്നത്. 12 വയസ്സിനു താഴെയുള്ള കുട്ടികളെ കൂട്ടബലാത്സംഗത്തിന് ഇരയാക്കുകയാണെങ്കില്‍ കുറഞ്ഞ ശിക്ഷ ജീവിതകാല തടവായിരിക്കും, കൂടിയാല്‍ വധശിക്ഷയും.

16 വയസ്സില്‍ കൂടുതലുള്ളവരെ പീഡിപ്പിച്ചാലുള്ള കുറഞ്ഞ ശിക്ഷയായ ഏഴു വര്‍ഷം മുതല്‍ 10 വരെയുള്ള കഠിനതടവ്, ജീവപര്യന്തം വരെ നീട്ടാമെന്നും പറയുന്നുണ്ട്.

16 വയസ്സിനു താഴെയുള്ളവരെ പീഡിപ്പിക്കുന്നവര്‍ക്ക് മുന്‍കൂര്‍ ജാമ്യം നല്‍കുന്ന വ്യവസ്ഥയും ഒഴിവാക്കിയിട്ടുണ്ട്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.