2019 August 26 Monday
ഹൃദയത്തില്‍ സത്യമുള്ളവന്‍ തന്റെ നാവിനെ പറ്റി ഭയപ്പെടേണ്ടതില്ല

ഒരൊറ്റ മിനുറ്റില്‍ പ്രവാസലോകത്തിന്റെ നൊമ്പരം പറഞ്ഞ് യുവാവ്; ടിക്ക് ടോക്ക് വീഡിയോ തരംഗമാവുന്നു

ജിദ്ദ: കഷ്ടപാടുകളുടെ നടുവില്‍ പിടിച്ചുനില്‍ക്കാന്‍ മണലാരണ്യത്തിലേക്ക് സ്വന്തം ജീവിതം തന്നെ ഇല്ലാതാക്കി സ്വപ്‌നങ്ങളോടെ നാട് കടക്കുന്നവരാണ് പ്രവാസികള്‍. കുടുംബം പോറ്റാന്‍ അന്യനാടുകളില്‍ കഷ്ടപ്പെടുന്നവരുടെ കഥ ധാരാളമുണ്ട്. ജീവിതസാഹചര്യങ്ങളിലും പൊറുതിമുട്ടി തൊഴില്‍ എടുത്ത് ജീവിക്കുന്ന ഇവരെ ഓര്‍മ്മപ്പെടുത്തുന്നതാണ് ഇപ്പോള്‍ സാമൂഹ്യമാധ്യമങ്ങളില്‍ ശ്രദ്ധ നേടുന്ന വീഡിയോ.
ഉറ്റവരെയും ഉടയവരെയും കാണാതെ വേദന കടിച്ചമര്‍ത്തി നാട്ടിലെ പ്രിയപ്പെട്ടവര്‍ക്കുവേണ്ടി പലരും പ്രവാസലോകത്ത് ജീവിതം കെട്ടിപ്പടുക്കാറുണ്ട്. അവരുടെ വേദന എന്താണെന്ന് നാട്ടിലുള്ളവര്‍ക്ക് പലപ്പോഴും മനസിലാകാറില്ല.

നിസഹായതയുടെ, വേദനയുടെ, ഒറ്റപ്പെടലിന്റെയൊക്കെ നടുവില്‍ നിന്ന് പ്രവാസി എങ്ങനെയാണ് ജീവിതം കെട്ടിപ്പടുക്കുന്നതെന്ന് വരച്ചുകാട്ടുന്ന ടിക്ക് ടോക്ക് വീഡിയോയാണ് ഇപ്പോള്‍ വൈറലാകുന്നത്. കേവലം ഒരു മിനിട്ട് മാത്രം ദൈര്‍ഘ്യമുള്ള വീഡിയോ പ്രവാസലോകത്തെയെന്നല്ല കാഴ്ചക്കാരെ ഒന്നടങ്കം നൊമ്പരപ്പെടുത്തുകയാണ്.

അവധിക്കാലത്ത് തന്നെയും കൂടി ഗള്‍ഫിലേക്ക് കൊണ്ടുപോകണമെന്ന് ആവശ്യപ്പെടുന്ന കുട്ടിയുടെ ശബ്ദശകലത്തിനൊപ്പം പ്രവാസിയും കലാകാരനുമായ മൂവാറ്റുപുഴ പെഴയ്ക്കാപ്പള്ളി സ്വദേശി കാനാപറമ്പില്‍ ജലാലാണ് ഏവരെയും വിസ്മയിപ്പിക്കുന്ന പ്രകടനം കാഴ്ചവച്ചിരിക്കുന്നത്. ജലാല്‍ പങ്കുവച്ച വീഡിയോ ഇതിനകം ലക്ഷക്കണക്കിന് പേരാണ് കണ്ടത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.