2020 January 22 Wednesday
യുദ്ധഭീതിയോടെ ഗൾഫ് മേഖല; മറ്റൊരു ഗൾഫ് യുദ്ധം താങ്ങാൻ ലോകത്തിനു ശേഷിയുണ്ടാകില്ലെന്ന് യു എൻ

നീതിക്കായി കടപ്പുറത്ത് ഒത്തുചേര്‍ന്ന് പോപ്പുലര്‍ ഫ്രണ്ട്: പൗരത്വ ഭേദഗതി നിയമം നീതിനിഷേധവും ഭരണഘടനാ വിരുദ്ധവുമെന്ന് മൗലാനാ മുഹമ്മദ് വലി റഹ്മാനി

 

കോഴിക്കോട്: പൗരത്വ നിയമ ഭേദഗതി രാജ്യത്തെ പൗരന്‍മാരോടുള്ള നീതി നിഷേധവും ഭരണഘടനാ വിരുദ്ധവുമാണെന്ന് ഓള്‍ ഇന്ത്യാ മുസ്‌ലിം പേഴ്സണല്‍ ലോ ബോര്‍ഡ് ജനറല്‍ സെക്രട്ടറി മൗലാനാ മുഹമ്മദ് വലി റഹ്മാനി. പോപ്പുലര്‍ ഫ്രണ്ട് ഓഫ് ഇന്ത്യ കോഴിക്കോട് സംഘടിപ്പിച്ച നീതി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

രാജ്യത്തെ പൗരന്‍മാരെ പരിഭ്രാന്തരാക്കുന്ന ബില്ലാണ് ലോക്സഭയും രാജ്യസഭയും കടന്ന് രാഷ്ട്രപതി ഒപ്പുവച്ചിരിക്കുന്നത്. രാജ്യത്തെ റാഫേലടക്കം സുപ്രധാനമായ രേഖകള്‍ സൂക്ഷിക്കാന്‍ സാധിക്കാത്ത ഭരണകൂടമാണ് സാധരണക്കാരായവരോട് പൗരത്വം തെളിയിക്കാനുള്ള രേഖ ഹാജരാക്കാന്‍ ആവശ്യപ്പെടുന്നത്. പ്രളയത്തിലും മലവെള്ളപ്പാച്ചിലിലും വീടും നാടും നഷ്ടപ്പെട്ട് സാധരണക്കാര്‍ക്കും, കര്‍ഷകര്‍ക്കും വിദ്യാസമ്പന്നരല്ലാത്തവര്‍ക്കും എങ്ങനെയാണ് ഇത്തരം രേഖകള്‍ ഉദ്യോഗസ്ഥര്‍ക്ക് മുന്നില്‍ ഹാജരാക്കാന്‍ സാധിക്കുക- മൗലാനാ മുഹമ്മദ് വലി റഹ്മാനി ചോദിച്ചു.

 

ബാബരി വിധിയില്‍ നീതിപൂര്‍വ്വമായ വിധിയുണ്ടാവാന്‍ പൊതുജനങ്ങള്‍ സംഘടിക്കണം. മസ്ജിദിന്റെ പേരില്‍ രാജ്യത്തെ ഹിന്ദുക്കളെയും മുസ്‌ലിംകളെയും മാനസികമായി അകറ്റി നിര്‍ത്താനാണ് കേന്ദ്രസര്‍ക്കാര്‍ ശ്രമിച്ചതെന്നും അദ്ദേഹം പറഞ്ഞു.

പോപുലര്‍ ഫ്രണ്ട് സംസ്ഥാന പ്രസിഡന്റ് വി.പി നാസറുദ്ധീന്‍ അധ്യക്ഷനായി. ആക്ടിവിസ്റ്റ് ഡോ. ലെനിന്‍ രഘുവംശി, പ്രൊഫ.പ ി കോയ മുഖ്യപ്രഭാഷണം നടത്തി. കെ.എച്ച് നാസര്‍, എം.കെ ഫൈസി, കെ.ഇ അബ്ദുല്ല, എ.വാസു, എന്‍.പി ചെക്കുട്ടി, കെ.കെ ബാബുരാജ്, കെ.കെ റൈഹാനത്ത്, റെനി ഐലിന്‍, ഗോപാല്‍ മേനോന്‍, അബ്ദുറഹിമാന്‍ ബാഖവി, ഇ.അബൂബക്കര്‍ സംസാരിച്ചു. സി.പി മുഹമ്മദ് ബഷീര്‍ സ്വാഗതവും ടി.കെ അബ്ദുസ്സമദ് നന്ദിയും പറഞ്ഞു. കോഴിക്കോട് സ്റ്റേഡിയം പരിസരത്ത് നിന്ന് ആരംഭിച്ച റാലിയില്‍ ആയിരങ്ങള്‍ അണിനിരന്നു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.