2019 January 22 Tuesday
ഒരിക്കലും വീഴാതിരിക്കുന്നതിലല്ല, വീഴുമ്പോഴൊക്കെ എഴുന്നേല്‍ക്കുന്നതിലാണ് മനുഷ്യന്റെ മാഹാത്മ്യം.

ചിലര്‍ക്ക് ചുവപ്പ് കണ്ടാല്‍ വിഷമമാണ്; പൊലിസിനെ ന്യായീകരിച്ച് മുഖ്യമന്ത്രി

കോഴിക്കോട്: ചിലര്‍ക്ക് ചുവപ്പ് കണ്ടാല്‍ വിഷമമാണെന്ന് പൊലിസ് അസോസിയേഷന്‍ സമ്മേളനത്തില്‍ മുഖ്യമന്ത്രി. സംസ്ഥാന പൊലിസ് അസോസിയേഷന്‍ സമ്മേളനവുമായി ബന്ധപ്പെട്ട് ഉടലെടുത്ത വിവാദത്തില്‍ പൊലിസിന് ന്യായീകരിക്കുന്ന പ്രസ്താവനയാണ് മുഖ്യമന്ത്രി കോഴിക്കോട് സമ്മേളനത്തില്‍ നടത്തിയത്. രക്തസാക്ഷികളെ അനുസ്മരിച്ചത് എന്തോ വലിയ അപരാധമായാണ് ചിലര്‍ കാണുന്നതെന്നും മുഖ്യമന്ത്രി പറഞ്ഞു.

പൊലിസ് അസോസിയേഷനുകളില്‍ രാഷ്ട്രീയ അതിപ്രസരം രൂക്ഷമാകുന്നുവെന്ന് രഹസ്യാന്വേഷണ വിഭാഗം സര്‍ക്കാരിന് മുന്നറിയിപ്പ് നല്‍കിയിരുന്നു. രാഷ്ട്രീയ അതിപ്രസരം സേനയുടെ വിശ്വാസ്യത തകര്‍ക്കുമെന്നും ഗുരുതരമായ പ്രത്യാഘാതങ്ങള്‍ക്ക് ഇടയാക്കുമെന്നും ഇന്റലിജന്‍സ് റിപ്പോര്‍ട്ടുണ്ടായിരുന്നു. എന്നാല്‍, ഇതിനെ സാധൂകരിക്കുന്ന പ്രസ്താവനയാണ് മുഖ്യമന്ത്രിയുടെ ഭാഗത്തുനിന്നുണ്ടായത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.