2019 July 21 Sunday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഇന്ത്യയുണ്ട് ശ്രീലങ്കയ്‌ക്കൊപ്പം: ഭീകരാക്രമണം നടന്ന ചര്‍ച്ച് സന്ദര്‍ശിച്ച് പ്രധാനമന്ത്രി മോദി

 

കൊളംബൊ: ശ്രീലങ്കയില്‍ ഈസ്റ്റര്‍ ദിനത്തില്‍ ആക്രമണം നടന്ന പള്ളികള്‍ സന്ദര്‍ശിച്ച് പ്രധാനമന്ത്രി നരേന്ദ്ര മോദി. ഭീരുക്കളുടെ ആക്രമണത്തിലൂടെ നിങ്ങളെ പരാജയപ്പെടുത്താനാകില്ലെന്നും ഇന്ത്യ ശ്രീലങ്കയ്‌ക്കൊപ്പമുണ്ടാവുമെന്ന് സന്ദര്‍ശന ശേഷം മോദി പറഞ്ഞു.

ശ്രീലങ്ക ശക്തമായി തിരിച്ചുവരുമെന്ന കാര്യത്തില്‍ തനിക്ക് തികഞ്ഞ ആത്മവിശ്വാസമുണ്ടെന്ന് പ്രധാനമന്ത്രി പറഞ്ഞു.

ചാവേര്‍ ബോംബാക്രമണത്തില്‍ 250ല്‍ അധികം പേര്‍ക്ക് ജീവന്‍ നഷ്ടമായ കൊച്ചിക്കടെ സെന്റ് ആന്റണീസ് പള്ളി സന്ദര്‍ശിച്ച പ്രധാനമന്ത്രി കൈകൂപ്പി പ്രാര്‍ഥിച്ചു. ഭീകരവാദത്തിനെതിരെ ഒന്നിച്ച് പോരാടുമെന്ന് ഇന്ത്യയും ശ്രീലങ്കയും സംയുക്തപ്രസ്താവനയില്‍ വ്യക്തമാക്കി.

ശ്രീലങ്കന്‍ പ്രസിഡന്റ് മൈത്രിപാല സിരിസേനയുമായി നരേന്ദ്ര മോദി കൂടിക്കാഴ്ച നടത്തി. പത്ത് ദിവസത്തിനിടെ ഇത് രണ്ടാം തവണയാണ് ഇരുനേതാക്കളും തമ്മില്‍ കാണുന്നത്.

രണ്ടാമത് പ്രധാനമന്ത്രിയായതിനു ശേഷമുള്ള ആദ്യ വിദേശ സന്ദര്‍ശനത്തിലാണ് മോദി. ശനിയാഴ്ച മാലിദ്വീപിലെത്തിയ മോദി ഞായറാഴ്ചയാണ് ശ്രീലങ്കയിലെത്തിയത്. ബുദ്ധ സമാധിയുടെ പ്രതിമ സമ്മാനിച്ചാണ് ലങ്കന്‍ പ്രസിഡന്റ് മോദിയെ സ്വീകരിച്ചത്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.