2019 August 26 Monday
ഹൃദയത്തില്‍ സത്യമുള്ളവന്‍ തന്റെ നാവിനെ പറ്റി ഭയപ്പെടേണ്ടതില്ല

മോദി കത്തിക്കയറുന്നതിനിടെ ആളുകള്‍ കൂട്ടത്തോടെ പിരിഞ്ഞുപോയി

 

നാസിക്: പ്രധാനമന്ത്രി നരേന്ദ്ര മോദി പ്രസംഗിക്കുന്നതിനിടെ ആളുകള്‍ കൂട്ടത്തോടെ പിരിഞ്ഞുപോകുന്നതിന്റെ വീഡിയോ വൈറലാവുന്നു. ബി.ജെ.പിയുടെ സ്വന്തം തട്ടകമായ മഹാരാഷ്ട്രയിലാണ് സംഭവം.

മഹാരാഷ്ട്രയിലെ പിംപല്‍ഗോണില്‍ മോദി പ്രസംഗിക്കുന്നതിനിടെയാണ് സംഭവം. ബാലാകോട്ട് ആക്രമണവും സര്‍ജിക്കല്‍ സ്‌ട്രൈക്കും സര്‍ക്കാരിന്റെ നേട്ടങ്ങളാക്കി കാണിച്ച് കത്തിക്കയറുന്നതിനിടെയാണ് ആളുകള്‍ കൂട്ടത്തോടെ പിരിഞ്ഞുപോകുന്നത്.

പ്രസംഗം തുടങ്ങി 15 മിനിറ്റ് പിന്നിടുന്നതിനിടെയാണ് സംഭവം. പാക് പ്രകോപനങ്ങള്‍ കേട്ട് ഭയക്കുന്ന നയം ഇന്ത്യ ഉപേക്ഷിച്ചെന്ന് ഈ പ്രസംഗത്തിനിടെ മോദി പറഞ്ഞിരുന്നു. പാകിസ്താന്റെ അഹംഭാവത്തിന് മറുപടി കൊടുത്തത് മോദി സര്‍ക്കാരാണെന്നും മോദി പറഞ്ഞു.

എന്തായാലും പ്രസംഗത്തിന്റെ വീഡിയോ സോഷ്യല്‍ മീഡിയയില്‍ വൈറലാവുകയാണ്. പ്രസംഗം മടുത്താണ് ആളുകള്‍ ഇറങ്ങിപ്പോകുന്നതെന്ന തരത്തില്‍ പലരും കമന്റികളിടുന്നുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.