2018 June 18 Monday
ശത്രുവിനെപ്പോലും മിത്രമാക്കാനുള്ള ശക്തി സ്‌നേഹത്തിന് മാത്രമേയുള്ളൂ
മാര്‍ട്ടിന്‍ ലൂഥര്‍ കിങ്

കാഠ്മണ്ഡുവില്‍ വിമാനം തകര്‍ന്നുവീണ്‌ 50 പേര്‍ മരിച്ചു

കാഠ്മണ്ഡു: നേപ്പാളിലെ കാഠ്മണ്ഡുവില്‍ വിമാനം തകര്‍ന്നു വീണു. ബംഗ്ലാദേശില്‍ നിന്നുള്ള വിമാനം ത്രിഭുവന്‍ വിമാനത്താവളത്തിന് സമീപമാണ് തകര്‍ന്നുവീണത്. അപകടത്തില്‍ അമ്പത് പേര്‍ മരിച്ചു. അപകടത്തില്‍ നിരവധി പേര്‍ക്ക് പരുക്കേറ്റു.

വിമാനത്തില്‍ നിന്ന് 17 യാത്രക്കാരെയും നാല് ജീവനക്കാരെയും രക്ഷപ്പെടുത്തി. രക്ഷാപ്രവര്‍ത്തനം പുരോഗമിക്കുകയാണെന്ന് അധികൃതര്‍ അറിയിച്ചു. യു.എസ്-ബംഗ്ലാ എയര്‍ലൈന്‍സിന്റെ ഡാഷ് ക്യു-400 എന്ന വിമാനമാണ് തകര്‍ന്നത്. വിമാനത്തില്‍ 78 പേരാണുള്ളത്.


ധാക്കയില്‍ നിന്നുവന്ന യു.എസ്-ബംഗ്ലാ എയര്‍ലൈന്‍ ആണ് തകര്‍ന്നു വീണത്. റണ്‍വേയില്‍ നിന്നും തെന്നിമാറി ലാന്റ് ചെയ്തതിന് തുടര്‍ന്ന് വിമാനത്തിന് തീപ്പിടിക്കുകയായിരുന്നു. തുടര്‍ന്ന് തൊട്ടടുത്ത ഫുട്‌ബോള്‍ ഗ്രൗണ്ടിലാണ് വിമാനം നിന്നത്.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.