പെഹ്‌ലൂഖാന്‍ വധം: എല്ലാ പ്രതികളെയും വെറുതെവിട്ടു
ജെയ്പൂര്‍: കന്നുകാലിക്കടത്ത് ആരോപിച്ച് രാജസ്ഥാനിലെ ആള്‍വാറില്‍ ക്ഷീരകര്‍ഷകനായ പെഹ്‌ലൂഖാനെ ഗോരക്ഷാ ഗുണ്ടകള്‍ മര്‍ദ്ദിച്ച് കൊലപ്പെടുത്തിയ കേസിലെ പ്രതികളായ ആറുപേരെയും ആള്‍വാര്‍ ജില്ലാ കോടതി വെറുതെ വിട്ടു. സംശയത്തിന്റെ ആനുകൂല്യം നല്‍കിയാണ് പ്രതികളെ വെറുതെ വിടുന്നതെന്ന് കോടതി വ്യക്തമാക്കി. കേസിലെ മൂന്നുപേര്‍ പ്രായപൂര്‍ത്തിയാകാത്തവരായിരുന്നു.
പ്രതികളെ എല്ലാം കോടതി വെറുതെ വിടുകയായിരുന്നുവെന്ന് പെഹ്‌ലുഖാന്റെ കുടുംബത്തിന് നിയമസഹായം നല്‍കിയിരുന്ന ഖാസിം ഖാന്‍ പറഞ്ഞു.
പെഹ്‌ലുഖാനെ മര്‍ദ്ദിക്കുന്നതിന്റെ ദൃശ്യം പരിശോധിച്ചാണ് പ്രതികളെ പൊലിസ് അറസ്റ്റ് ചെയ്തിരുന്നത്. വിപിന്‍ യാദവ്, രവീന്ദ്ര കുമാര്‍, കലൂറാം, ദയാറാം, യോഗേഷ് കുമാര്‍ എന്ന ധോലിയ, ഭീം രതി എന്നിവരായിരുന്നു പ്രതികള്‍.
2017 ഏപ്രിലിലായിരുന്നു കേസിനാസ്പദമായ സംഭവം. ജയ്പൂരിലെ ചന്തയില്‍ നിന്ന് വാങ്ങിയ കന്നുകാലികളെ ഹരിയാനയിലേക്ക് കൊണ്ടുപോകുന്നതിനിടയിലാണ് ദേശീയ പാതയില്‍ തടഞ്ഞുനിര്‍ത്തി അക്രമികള്‍ പെഹുലൂഖാനെ മര്‍ദ്ദിച്ചവശനാക്കിയത്. മര്‍ദ്ദനത്തില്‍ മാരകമായി പരുക്കേറ്റ ഇയാള്‍ ആശുപത്രിയില്‍ ചികിത്സയിലിരിക്കെ മരിച്ചു.
വിധിക്കെതിരേ ഹൈക്കോടതിയെ സമീപിക്കുമെന്ന് അഡീഷനല്‍ പബ്ലിക് പ്രോസിക്യൂട്ടര്‍ യോഗേന്ദ്ര ഖത്താന അറിയിച്ചു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- രാമക്ഷേത്ര നിര്മാണത്തിന് ഒരു ഇഷ്ടികയും 11 രൂപയും സംഭാവനയായി നല്കണമെന്ന് യോഗി ആദിത്യനാഥ്
- ആര്ക്കു പൗരത്വം നല്കണമെന്ന് കേന്ദ്ര സര്ക്കാര് തീരുമാനിക്കുമെന്ന് വിദേശകാര്യ സഹമന്ത്രി
- പ്രസ് ക്ലബ് മുന് സെക്രട്ടറിയുടെ മനുഷ്യാവകാശം ആരും പരിഗണിച്ചില്ലെന്നു വി. മുരളീധരന്: കേന്ദ്രമന്ത്രിക്കെതിരേ വനിതാ മാധ്യമപ്രവര്ത്തകര്, വിവാദമായതോടെ പ്രസ്താവന തിരുത്തി മന്ത്രി തടിയൂരി
- മാപ്പു പറയാന് ഞാന് ‘രാഹുല് സവര്ക്കര്’ അല്ല, രാഹുല് ഗാന്ധിയാണ്; ബി.ജെ.പിയ്ക്കെതിരെ ആഞ്ഞടിച്ച് രാഹുല് ഗാന്ധി
- പൗരത്വ ബില്: ഹര്ത്താലില് യൂത്ത് ലീഗിനു ബന്ധമില്ല, പ്രവര്ത്തകര് സഹകരിക്കരുതെന്നു പി.കെ ഫിറോസ്
