2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

രണ്ടു ദിവസത്തിനകം പ്രതികരണമില്ലെങ്കില്‍ വി.എസിനെതിരെ നിയമനടപടി: മുഖ്യമന്ത്രി

'തനിക്കെതിരെ ബി.ജെ.പി- ആര്‍.എസ്.എസ് ബന്ധം ആരോപിക്കുന്നത് ന്യൂനപക്ഷ വോട്ടുകള്‍ നേടാന്‍'

കോഴിക്കോട്: വി.എസ് അച്യുതാനന്ദനെതിരെയും പിണറായി വിജയനെതിരെയും രൂക്ഷമായ വിമര്‍ശനവുമായി മുഖ്യമന്ത്രി ഉമ്മന്‍ചാണ്ടി രംഗത്ത്. സര്‍ക്കാരിനെതിരായ വ്യാജ ആരോപണത്തില്‍ മാപ്പു പറയണമെന്ന ആവശ്യത്തില്‍ രണ്ടു ദിവസത്തിനകം പ്രതികരണമില്ലെങ്കില്‍ നിയമനടപടിയുമായി മുമ്പോട്ടു പോകുമെന്നു ഉമ്മന്‍ചാണ്ടി പറഞ്ഞു. കോഴിക്കോട്ടെ പ്രസ്‌ക്ലബ്ബില്‍ സംഘടിപ്പിച്ച മുഖാമുഖം പരിപാടിയില്‍ സംസാരിക്കുകായിരുന്നു അദ്ദേഹം.

തെരഞ്ഞെടുപ്പില്‍ ആശയപരമായ സംവാദമാകാം. യാഥാര്‍ഥ്യം പറയുകയുമാവാം. എന്നാല്‍ സത്യവുമായി ഒരു ബന്ധവുമില്ലാത്ത കാര്യങ്ങളാണ് പ്രതിപക്ഷത്തിനു പറയാനുള്ളത്. പ്രതിപക്ഷത്തിന്റെ ഏക ആയുധം വ്യാജ ആരോപണങ്ങളാണെന്നും അത് അവര്‍ക്കു തന്നെ തിരിച്ചടിക്കുമെന്നും ഉമ്മന്‍ചാണ്ടി പറഞ്ഞു.

തനിക്കെതിരെ ബി.ജെ.പി- ആര്‍.എസ്.എസ് ബന്ധം ആരോപിക്കുന്നത് ന്യൂനപക്ഷ വോട്ടുകള്‍ നേടാനാണെന്നു പിണറായിയുടെ പ്രസ്താവനയ്ക്കു മറുപടിയായി ഉമ്മന്‍ചാണ്ടി പറഞ്ഞു. ആര്‍.എസ്.എസുമായി ഒരു കാലത്തും ഒന്നിച്ചിട്ടില്ല. ഇങ്ങനൊരു ആരോപണം പിണറായിക്കും എല്‍.ഡി.എഫിനും തിരിച്ചടിയാകുമെന്നും അദ്ദേഹം പറഞ്ഞു.

പാമോലിന്‍ കേസ് ഉണ്ടാകുന്നത് താന്‍ ധനമന്ത്രി ആയിരുന്നപ്പോഴാണ്. അതില്‍ ഒരു അഴിമതിയും ഇല്ലെന്നാണ് വിശ്വാസം. ലാഭമല്ലാതെ ഒരു രൂപയുടെ നഷ്ടം പോലും ഇടപാടില്‍ ഉണ്ടായിട്ടില്ലെന്നും മുഖ്യമന്ത്രി പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.