2019 October 22 Tuesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ഒമാന്‍ വിദേശികള്‍ക്ക് ലോകത്തിലെ ഏറ്റവും സുരക്ഷിതമായ രാജ്യം

റഹ്മാന്‍ നെല്ലാങ്കണ്ടി

മസ്‌കറ്റ്: പ്രവാസികള്‍ക്ക് ജോലി ചെയ്യാനും താമസിക്കാനും ഇഷ്ടമുള്ള ലോകത്തിലെ ഏറ്റവും സുരക്ഷിതവും സൗഹൃദപരവുമായ രാജ്യങ്ങളുടെ പട്ടികയില്‍ ഒമാന്‍ ഒന്നാം സ്ഥാനം നേടിയതായി 2019 ലെ പ്രവാസി ഇന്‍സൈഡര്‍ പുറത്തിറക്കിയ റിപ്പോര്‍ട്ടില്‍ പറയുന്നു.ജോലി ചെയ്യുന്ന വിദേശികള്‍ക്ക് രാജ്യങ്ങള്‍ നല്‍കുന്ന സേവനങ്ങള്‍, സുരക്ഷ, ഭദ്രത,സൗഹൃദം തുടങ്ങിയവയുടെ അടിസ്ഥാനത്തില്‍ ആണ് പട്ടിക തയ്യാറാക്കുന്നത്. ജീവിതനിലവാരം കണക്കിലെടുക്കുമ്പോള്‍, വോട്ടെടുപ്പ് നടത്തിയ 64 രാജ്യങ്ങളില്‍ ഒമാന്‍ ലോകത്ത് 35 ആം സ്ഥാനത്താണ്.
ഒരു രാജ്യത്തിന്റെ ജീവിത നിലവാരം ആറ് ഘടകങ്ങളെ അടിസ്ഥാനമാക്കിയാണ് കണക്കാക്കുന്നത്. ഒഴിവുസമയ ഓപ്ഷനുകള്‍, വ്യക്തിഗത സന്തോഷം, യാത്രയും ഗതാഗതവും, ആരോഗ്യവും, ഭദ്രതയും ,സുരക്ഷയും, ഡിജിറ്റല്‍ ജീവിതവും തുടങ്ങിയവയാണവ. ഭദ്രതയും സുരക്ഷയും കണക്കിലെടുക്കുമ്പോള്‍, മറ്റ് ജിസിസി രാജ്യങ്ങളില്‍ യുഎഇ മാത്രമാണ് (ആറാം സ്ഥാനത്ത്) ഒമാനോടൊപ്പം മികച്ച പത്തില്‍ ഇടം നേടിയത്. ഖത്തര്‍ 11 ഉം ബഹ്‌റൈന്‍ 20 ഉം കുവൈത്ത് 46 ഉം സ്ഥാനത്താണ്.ലോക രാജ്യങ്ങളില്‍ തായ്‌വാന്‍ പ്രവാസികള്‍ക്ക് ലോകത്തിലെ ഏറ്റവും മികച്ച സ്ഥലമായി തിരഞ്ഞെടുക്കപ്പെട്ടു, വിയറ്റ്‌നാം, പോര്‍ച്ചുഗല്‍, മെക്‌സിക്കോ, സ്‌പെയിന്‍, സിംഗപ്പൂര്‍, ബഹ്‌റൈന്‍, ഇക്വഡോര്‍, മലേഷ്യ, ചെക്ക് റിപ്പബ്ലിക് എന്നിവയാണ് തൊട്ടുപിന്നില്‍.
പ്രവാസികള്‍ ജോലി ചെയ്യുന്നതിന്റെയും, താമസിക്കുന്നതിന്റെയും അടിസ്ഥാനത്തില്‍, ഒമാന്‍ 32ാം സ്ഥാനത്ത് അല്ലെങ്കില്‍ പട്ടികയുടെ ആദ്യ പകുതിയില്‍ സ്ഥാനം നേടി. നേരെമറിച്ച്, പ്രവാസികള്‍ക്ക് ജോലിക്ക് പോകാന്‍ താല്‍പ്പര്യമില്ലാത്ത സ്ഥലങ്ങള്‍ കുവൈറ്റ്, ഇറ്റലി, നൈജീരിയ, ബ്രസീല്‍, തുര്‍ക്കി, ഇന്ത്യ, യുകെ, ഗ്രീസ്, റഷ്യ, ദക്ഷിണ കൊറിയ എന്നിവയാണ്.
ജീവിത നിലവാര സൂചികയിലുടനീളം, മിക്ക ജിസിസി രാജ്യങ്ങളും ശരാശരി ഫലങ്ങള്‍ നല്‍കുന്നു,64 രാജ്യങ്ങളില്‍ യുഎഇ 21ാം സ്ഥാനത്താണ്.ഒരു അപവാദം കുവൈറ്റ് ആണ്, അത് ഏറ്റവും താഴെയുള്ള 10 സ്ഥാനങ്ങളില്‍ തുടരുന്നു. എന്നിരുന്നാലും, സുരക്ഷയ്ക്കും ഭദ്രതക്കും ഒമാന്‍ മികച്ച ഫലം നല്‍കുന്നു, ഒമ്പത് സ്ഥാനങ്ങള്‍ കയറി ലോകറാങ്കിങ്ങില്‍ ഒന്നാം സ്ഥാനത്തെത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.