2020 August 15 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഒമാനിൽ  കോവിഡ് ബാധിച്ച് ഒരു മലയാളി കൂടി മരിച്ചു,രോഗികളിൽ പകുതിയധികം പേർ  രോഗമുക്തി നേടി

റഹ്മാൻ നെല്ലാങ്കണ്ടി. 

 
 
മസ്കറ്റ്:കോവിഡ് ബാധിച്ച് ചികിത്സയിൽ ആയിരുന്ന ഒരു മലയാളി കൂടി ഒമാനിൽ മരിച്ചു. ആലപ്പുഴ വടുതല സ്വദേശി ശിഹാബുദ്ദീൻ (50) ആണ് ഞായറാഴ്ച്ച മരണപ്പെട്ടത്.ജൂൺ അവസാനം കോവിഡ് സ്ഥിരീകരിച്ച  ഇദ്ദേഹം വീട്ടിൽ കൊറന്റീനിൽ ആയിരുന്നു. ശ്വാസതടസ്സം അനുഭവപ്പെട്ടതിനെ തുടർന്ന് ജൂൺ  27 ന് സ്വകാര്യ ആശുപത്രിയിൽ പ്രവേശിപ്പിച്ചു. അവിടെ ചികിത്സയിൽ ഇരിക്കെ നില വഷളായതിനെ തുടർന്ന് അൽഖുവൈറിലെ സ്വകാര്യ ആശുപത്രിയിൽ എത്തിച്ചുവെങ്കിലും വൈകാതെ മരണം സംഭവിച്ചു. ഹൃദയാഘാതം ആണ് മരണ കാരണം. 
 
ഇരുപത് വർഷമായി ഓമനിലുള്ള ഇദ്ദേഹം ടെക്സ്റ്റൈൽ ബിസിനസ്സ് രംഗത്ത് പ്രവർത്തിച്ച് വരികയായിരുന്നു. ഭാര്യയും രണ്ട് മക്കളുമുണ്ട്. കുടുംബ ഓമനിലാണുള്ളത്.രാജ്യത്ത്‌  കോവിഡ് ബാധിച്ച് മരിക്കുന്ന പതിനഞ്ചാമത്തെ മലയാളിയാണ് ശിഹാബുദ്ദീൻ. 
 
ഇന്നലെ വരെയുള്ള കണക്ക് പ്രകാരം 24 മണിക്കൂറിനുള്ളിൽ പത്ത് പേരാണ് ഒമാനിൽ മരിച്ചത്.ശനിയാഴ്ച്ചയും പത്ത് മരണങ്ങൾ റിപ്പോർട്ട് ചെയ്യപ്പെട്ടിരുന്നു.ഇതോടെ രാജ്യത്തെ കോവിഡ് മരണ സംഘ്യ 213 ആയി ഉയർന്നു. 
 
ഞായറാഴ്ച്ച  പുതിയതായി 1072 പേർക്ക് കൂടി  കോവിഡ് സ്ഥിരീകരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം  46, 178 ആയി ഉയർന്നു.എന്നാൽ പകുതിയലധികം പേർ രോഗമുക്തി നേടിയത് ആശ്വാസം നൽകുന്നു.പുതിയതായി 949 പേർക്ക് കൂടി രോഗം ഭേദമായി. ഇതോടെ രോഗം മുക്തമായവരുടെ എണ്ണം 27917 ആയി.

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.