2019 October 18 Friday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

അരാംകോ ആക്രമണത്തിന് പിന്നാലെ എണ്ണ വില കുതിക്കുന്നു, ഇന്ന് ഒരുവീപ്പക്ക് കൂടിയത് 800 രൂപ; മാറ്റം ഇന്ത്യന്‍ വിപണിയെയും ബാധിക്കും

 

റിയാദ്: സഊദി അരാംകോക്ക് കീഴിലെ ലോകത്തെ ഏറ്റവും വലിയ എണ്ണ ശുദ്ധീകരണ പ്ലാന്റില്‍ ഹൂതി ഡ്രോണ്‍ ആക്രമണത്തിനു പിന്നാലെ ഉല്‍പാദനം പകുതിയിലധികം കുറച്ചതോടെ എണ്ണവില കുതിച്ചുയരുന്നു. ഇന്ന് ഒരുവീപ്പക്ക് 11 യു.എസ് ഡോളറിലേറെ (800 രൂപയോളം) ആണ് ഒറ്റയടിക്ക് കൂടിയത്. നാലുമാസത്തെ റെക്കോര്‍ഡ് മറികടന്ന് 19 ശതമാനം വര്‍ധനവാണ് എണ്ണ വിലയിലുണ്ടായത്.

ശനിയാഴ്ചയാണ് സൌദി അരാംകോയില്‍ ഡ്രോണ്‍ ആക്രമണങ്ങള്‍ നടന്നത്. 5.7 ദശലക്ഷം വീപ്പയുടെ കുറവാണ് ആക്രമണത്തിന് ശേഷം സൗദിയുടെ എണ്ണ ഉല്‍പ്പാദനത്തില്‍ ഉണ്ടായത്. അതായത് ആഗോള വിപണിയില്‍ നേരിട്ടത് ആറ് ശതമാനം വരെ എണ്ണയുടെ കുറവ്. ഇതിന് പിന്നാലെയാണ് എണ്ണ വില 60 ഡോളറില്‍ നിന്നും 71ലേക്കെത്തിയത്. 28 വര്‍ഷത്തിനിടെ ഇതാദ്യമായാണ് ഇത്രയധികം വില ഒറ്റയടിക്ക് ഉയര്‍ന്നത്. 20 ശതമാനത്തിലേറെ വിലയിങ്ങിനെ ഒറ്റയടിക്ക് വര്‍ധിക്കുന്നത് 28 വര്‍ഷത്തിന് ശേഷമാണ്. മുന്‍കാലങ്ങളില്‍ സഊദി അരാംകോയിലെ ആക്രമണം ആഗോളതലത്തില്‍ എണ്ണവിപണിയെ ബാധിച്ചിരുന്നു.

ശനിയാഴ്ചയുണ്ടായ ആക്രമണത്തെ തുടര്‍ന്ന് പ്ലാന്റിന് നാശനഷ്ടം സംഭവിച്ചിരുന്നു. എണ്ണയ്‌ക്കൊപ്പം വാതക ഉല്‍പാദനവും താല്‍ക്കാലികമായി നിര്‍ത്തിയിട്ടുണ്ട്. രണ്ടു ദിവസത്തിനകം ഉല്‍പാദനം പഴയനിലയിലെത്തിക്കാന്‍ കഴിയുമെന്ന് സഊദി അരാംകോ സി.ഇ.ഒ അമീന്‍ നാസര്‍ പറഞ്ഞു.
അതേസമയം, ആക്രമണം നടന്ന ശനിയാഴ്ച അന്താരാഷ്ട്ര വിപണിയിലെ എണ്ണവിതരണം സാധാരണനിലയില്‍ തന്നെ നടന്നുവെന്ന് അന്താരാഷ്ട്ര എനര്‍ജി ഏജന്‍സി അറിയിച്ചു.

Oil Prices Soar Over 10% After Drone Attacks On Saudi Cut Output By Half


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.