2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കേരളത്തിലെ രോഗികളെ ചികിത്സിക്കരുത്: മംഗളൂരുവിലെ മെഡിക്കല്‍ കോളജുകള്‍ക്ക് ദക്ഷിണ കന്നട ആരോഗ്യവകുപ്പിന്റെ നോട്ടീസ്

 

കാസര്‍കോട്: മംഗളൂരുവിലെ പ്രമുഖ മെഡിക്കല്‍ കോളജുകള്‍ക്ക് ദക്ഷിണ കന്നഡ ജില്ലാ ആരോഗ്യ വകുപ്പ് അധികൃതരുടെ നോട്ടീസ്. കേരളത്തില്‍ നിന്നും വരുന്ന ഒരു രോഗികളെയും ആശുപത്രികളില്‍ ചികിത്സിക്കരുതെന്നാണ് ഉത്തരവില്‍ പറഞ്ഞിരിക്കുന്നത്. ദക്ഷിണ കന്നഡ ജില്ലാ കലക്ടറുടെ നേതൃത്വത്തില്‍ ആരോഗ്യ വകുപ്പ് ഉദ്യോഗസ്ഥര്‍ സംബന്ധിച്ച യോഗത്തിലാണ് തീരുമാനം കൈക്കൊണ്ടത്

മംഗളൂരുവിലെ പ്രധാന മെഡിക്കല്‍ കോളജുകളും കേരളത്തിലെ ആയിരക്കണക്കിന് രോഗികള്‍ ആശ്രയിച്ചിരുന്നതുമായ ഫാദര്‍ മുള്ളേഴ്‌സ് മെഡിക്കല്‍ കോളജ്, എ.ജെ മെഡിക്കല്‍ കോളജ്, കസ്തുര്‍ബ മെഡിക്കല്‍ കോളജ്, ശ്രീനിവാസ മെഡിക്കല്‍ കോളജ്, കെ.എസ് ഹെഗ്‌ഡെ മെഡിക്കല്‍ കോളജ്, കെ.വി.ജി മെഡിക്കല്‍ കോളജ് സുള്ള്യ, കണക്കൂര്‍ മെഡിക്കല്‍ കോളജ് ദേര്‍ളക്കട്ട, സാധാരണക്കാരുടെ ആശ്രയമായ ദേര്‍ളക്കട്ടയിലെ യേനപ്പോയ മെഡിക്കല്‍ കോളജ് എന്നീ ആശുപത്രികള്‍ക്കാണ് ദക്ഷിണ കന്നഡ ജില്ലാ ആരോഗ്യ വകുപ്പ് അധികൃതര്‍ കഴിഞ്ഞദിവസം ഉത്തരവ് നല്‍കിയത്.

സംസ്ഥാനത്തെ ഒട്ടനവധി രോഗികള്‍ക്ക് പുറമെ നൂറു കണക്കിന് മെഡിക്കല്‍ വിദ്യാര്‍ഥികളും മേല്‍പ്പറഞ്ഞ മെഡിക്കല്‍ കോളജുകളില്‍ പഠനം നടത്തി വന്നിരുന്നു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.