2019 October 20 Sunday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ബി.എസ്.എന്‍.എല്ലിനെയും എയര്‍ടെല്ലിനെയും കൂട്ടി നോക്കിയ ഒരുങ്ങുന്നു, 5ജി വിപ്ലവത്തിന്

എതിരാളിയായി സാംസങ്- ജിയോ 5ജി നെറ്റ്‌വര്‍ക്ക്

സ്മാര്‍ട്ട്‌ഫോണ്‍ രംഗത്തേക്കു തിരിച്ചുവന്ന നോക്കിയ, നെറ്റ്‌വര്‍ക്ക് രംഗത്തേക്കും വലിയ ചുവടുവയ്ക്കാനൊരുങ്ങുന്നു. ബി.എസ്.എന്‍.എല്ലിനെയും എയര്‍ടെല്ലിനെയും കൂട്ടുപിടിച്ച് 5 ജി വിപ്ലവത്തിനൊരുങ്ങുകയാണ് ഇപ്പോള്‍ നോക്കിയ.

ഇരു കമ്പനികളുമായും നോക്കിയ ഇതുസംബന്ധിച്ച കരാറില്‍ ഒപ്പുവച്ചു. മൊബൈല്‍ വേള്‍ഡ് കോണ്‍ഗ്രസ് 2017 ലാണ് 5 ജി രംഗത്തേക്കു കടക്കാന്‍ നോക്കിയ സുപ്രധാന തീരുമാനമെടുത്തത്.

2019-20 വര്‍ഷങ്ങളില്‍ രാജ്യത്താകമാനം 5 ജി നെറ്റ്‌വര്‍ക്ക് എത്തിക്കാനാണ് കമ്പനി പദ്ധതിയിട്ടിരിക്കുന്നത്. ഇതിനു മുന്നോടിയായി നോക്കിയ ബെംഗളൂരുവില്‍ എക്‌സ്പീരിയന്‍സ് സെന്ററും തുടങ്ങും.

ഇവരെ വെല്ലുവിളിക്കാന്‍ സാംസങും റിലയന്‍സ് ജിയോയും ചേര്‍ന്നാണ് 5 ജി അവതരിപ്പിക്കുന്നത്. ജനസംഖ്യയുടെ 90 ശതമാനവും എത്തിപ്പിടിക്കാവുന്ന രീതിയില്‍ ഗ്രാമങ്ങളില്‍ വലിയ നെറ്റ്‌വര്‍ക്കുണ്ടാക്കുകയാണ് തങ്ങളുടെ ലക്ഷ്യമെന്ന് ജിയോ- സാംസങ് കൂട്ടായ്മ പറഞ്ഞു. ഐ ആന്റ് ജി (ഇന്‍ഫില്‍ ആന്റ് ഗ്രോത്ത്) പദ്ധതിയെന്നാണ് ഇതിന് പേരിട്ടിരിക്കുന്നത്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.