2019 March 23 Saturday
ആത്മാവിനെ ആയുധങ്ങള്‍ മുറിവേല്‍പ്പിക്കുന്നില്ല അഗ്നി ദഹിപ്പിക്കുന്നില്ല. ജലം നനയ്ക്കുന്നില്ല. കാറ്റ് ഉണക്കുന്നുമില്ല. -ഭഗവത്ഗീത

ജെ.ഡി.യുവിന്റെ ‘അമ്പ്‌’ ചിഹ്നം നിതീഷ് കുമാര്‍ പക്ഷത്തിന്

ന്യൂഡല്‍ഹി: ബി.ജെ.പിയുമായുള്ള കൂട്ടുകെട്ടിനെത്തുടര്‍ന്ന് പിളര്‍ന്ന ജനതാ ദള്‍ (യുണൈറ്റഡ്) ന്റെ ചിഹ്ന തര്‍ക്കത്തില്‍ തെരഞ്ഞെടുപ്പ് കമ്മിഷന്‍ തീര്‍പ്പുകല്‍പ്പിച്ചു. ‘അമ്പ്‌’ ചിഹ്നം ബിഹാര്‍ മുഖ്യമന്ത്രി നിതീഷ് കുമാര്‍ പക്ഷത്തിനാണ് ലഭിച്ചത്. പാര്‍ട്ടി സ്ഥാപകന്‍ ശരത് യാദവായിരുന്നു എതിര്‍പക്ഷത്ത്.

ജെ.ഡി.യുവിലെ ഭൂരിഭാഗവും തന്റെ കൂടെയാണെന്നും ദേശീയ കൗണ്‍സിലിലെ അധികം പേരും പിന്തുണയ്ക്കുന്നുവെന്നും ചൂണ്ടിക്കാട്ടിയാണ് നിതീഷ് കുമാര്‍ പക്ഷം ചിഹ്നം സ്വന്തമാക്കിയത്. ബിഹാറില്‍ സംസ്ഥാന പാര്‍ട്ടി പദവി നല്‍കുന്നതായും കമ്മിഷന്‍ വ്യക്തമാക്കി.

ബിഹാറില്‍ ആര്‍.ജെ.ഡി- കോണ്‍ഗ്രസ് സഖ്യം ഒഴിവാക്കി നിതീഷ് കുമാര്‍ ബി.ജെ.പിയെ കൂട്ടി കാലുമാറിയപ്പോഴാണ് പാര്‍ട്ടി രണ്ടായി പിളര്‍ന്നത്. ഭൂരിഭാഗം നിതീഷിനൊപ്പം നിന്നപ്പോള്‍ കേരളാ ഘടകം അടക്കം നിരവധി പേര്‍ ശരത് യാദവിനൊപ്പം നിലയുറപ്പിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.